Lufte per shezlonget ne Velipoje, 4 te vrare dhe 2 te plagosur

Pak orë pas përplasjes me armë të ndodhur në Velipojë ku mbetën të vrarë 4 persona, policia arrestoi Hasan Ferracakun si dhe nipi i tij Elmilind Dylin, të cilët gjatë këtij konflikti mbetën të plagosur. Masa e arrestit atyre iu komunikua në ambentet e Spitalit të Traumës në kryeqytet, ku po marrin mjekim për plagët e marra. Mbi ta rëndon akuza për vrasje në rrethana të tjera cilësuese, kundër dy ose më shumë personave” si dhe armëmbajtje pa leje. Gjithashtu policia njoftoi se janë shpallur në kërkim djemtë e Hasan Feracakut, Shyqyri, Abedin dhe Besar Feracaku, të cilët në bazë të provave të siguruara kanë qenë pjesë e këtij konflikti të armatosur dhe janë të dyshuar si bashkëautorë në vrasjet e kryera. Ngjarja ndodhi në orët e para të së dielës në plazhin e Velipojës, teksa konflikti për ndarjen e hapësirës së plazhit për vendosjen e shezlongëve mes 2 hoteleve degjeneroi në përdorimin e armëve. Viktimat janë Kujtim Ferracaku 59 vjeç që shihni në këtë foto në njërën anë dhe në krahun tjetër vëllezërit Xhovani dhe Edmond Gocaj 25 dhe 38 vjeç si dhe Myzerim Zeneli 20 vjeç, punonjës i shezlongëve që kishte nisur punën pikërisht të shtunën. Konflikti mes familjeve që kanë në pronësi hotelet “Fantazia” dhe “Gocaj” dhe që ndodhen vetëm 50 metra larg njëri-tjetrit kishte ditë që kishte nisur për ndarjen e sipërfaqes së plazhit. Në mbrëmje anëtarët e familjes Ferracaku shkuan në hotelin Gocaj me qëllim që të sqaroheshin, por gjërat janë acaruar më tej dhe palët kanë nxjerrë armët duke lënë të vrarë nga të dy krahët. Në vendin e ngjarjes shkuan krerët më të lartë të Policisë së Shtetit si dhe zbarkuan forcat RENEA me qëllim mbajtjen e situatës nën kontroll në mënyrë që konflikti të mos acarohej më tej. Të dyja palët kanë qenë të armatosura dhe këtë e konfirmoi edhe drejtori i Policisë së Shkodrës. Dyshohet se në ngjarje u përdorën të paktën 4 armë, 2 nga të cilat kallashnikovë, 1 pistoletë Glock dhe 1 pistoletë TT. Policia bëri të ditur se janë sekuestruar dy pistoletat, njëra prej të cilave u gjet në vendngjarje, ndërsa tjetra u gjet gjatë kontrollit në hotelin e familjes Gocaj. Viktima Kujtim Ferracaku është babai i Arjan Ferracakut që u ekzekutua teksa kalëronte në zonën e Livadheve në 2018-ën. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/