مهداة للشيخ علي بن عبد الله النشار الزيادي العتيبي / كلمات : محمد العتيبي / أداء : فايز العتيبي

@adv1435 مونتاج مونتاج adv1435@ قصيدة مهداة للشيخ علي بن عبد الله النشار الزيادي العتيبي / كلمات : محمد بجاد العتيبي / أداء : فايز العتيبي كلمات الشاعرمحمد بن بجاد بن ثنيان الزيادي العتيبي الهاجس اللي زهمني دون سابق وعد لبيت له والقصايد وقتها جالها في ماقف ما لشعري دون جزله مصد اخترت له من سمان الشعر وجزالها يا فايز اسلم وجتك بصكها والسند شرد البيوت الجزايل والسعد فالها اسم الزيادي عليها والختم معتمد وانته بصوتك يا فايز زان موالها مسنده للأمير اللي علوم السعد يحري بها يوم بعض الناس ما نالها علي علي لا احتمى الميقاف وإلا وقد الكايدة هانها والمعجزة طالها مثل ابن نشار درع وراس مال وعمد ذخر لنا في الليال العوق وأهوالها زيزوم قوم على العليا يهوز وصعد ياقف مواقيف روس القوم ورجالها هو محزم اللي لحق دنياه جور وجهد هو مزبن اللي شكى دنياه وأحوالها في مجلسه للنشامى والضيوف استعد زاد الكرم بالشحم ومبهر دلالها ومدته مثل المزون اللي تهل البرد ما تقفي خيالها لو تقبل خيالها منهاجه الطيب شيخ صادق للعهد لا جات جمع المصايب وارتكى شالها من لابة يشهد التاريخ ولا انجحد من ماضيات العصور لحاضر ليالها ذوي زياد المكارم والفخروالصمد الجود والعز والنوماس بأفعالها يميل شيخ على المحدار يوم انوكد فريس قوم تدك الأرض وجبالها نجد المسماه على الميقاف قر وشهد في ساعة شوشت للخيل خيالها أهل مهيوبة نهار يشيب راس الولد كم سربة من سطرنا فعلنا شالها لا ثار عج الرمك مفتلين العقد لا كبرت المعضلة بالفعل حنا لها عتبان درب الفخر لدروبنا مستند هيلا تهايل سطر ما تقصر حبالها عدونا في اللقاء بين اللحد واللحد وخوينا ينعم بدنياه ما عالها ومن ينقص حقوق خلق الله عساه النكد كل القبايل تروم النعم وأمثالها وختامها يا صلاة الله على من ورد