៧៥៨ នៅបេថានី（高棉語詩歌-自伯大尼）

ចម្រៀងសរសើរតម្កើងលេខ៧៥៨ នៅបេថានី ១. នៅបេថានី ព្រះអង្គចាកចេញពីយើងទៅ ជម្រៅចិត្តខ្ញុំគ្មានអ្វីមកជំនួសបាន នៅក្បែរមាត់ទឹក ខ្ញុំលេងពិណនៅក្រោមដើមជ្រៃ ទ្រង់មិននៅ ខ្ញុំនៅដេញពិណបានយ៉ាងម្តេចទៅ អាធ្រាតយប់ស្ងាត់ទៅ ខ្ញុំនៅឯកាម្នាក់ឯង ពេលនេះ ក្ដីទុក្ខរបស់ខ្ញុំឥតរសាយ មិនអាចទ្រាំបាន នឹកដល់ព្រះអង្គនៅសែនឆ្ងាយ គិតដល់ថ្ងៃទ្រង់នឹងយាងមកតាមសេចក្ដីសន្យា។ ២. ខ្ញុំនឹកដល់ទ្រង់ ពេលខ្ញុំសម្លឹងមើលក្រោលសត្វ ឈើឆ្កាងទុក្ខធ្ងន់ឲ្យខ្ញុំអស់ក្តីប្រាថ្នា ពេលទ្រង់យាងមកខ្ញុំស្រមៃលំនៅសួគ៌ា ព្រះអង្គទ្រង់ជាគោលដៅដែលខ្ញុំស្វែងរក បើទ្រង់មិននៅក្តីរីករាយអស់រសជាតិទៅ បទភ្លេងកវីពីរោះប្រែទៅជាអស់ន័យ បើទ្រង់មិននៅថ្ងៃយប់ចេះតែកន្លងទៅ ព្រះអង្គមេត្តាឆាប់យាងមកទ្រង់កុំយឺតនៅ។ ៣. នៅទីនេះខ្ញុំមានអំណរព្រោះទ្រង់នៅក្បែរ នៅផ្នែកខាងក្នុងចិត្តខ្ញុំនៅតែទទេ ទោះមានពន្លឺរួមទាំងមានសេចក្តីស្រឡាញ់ តែនៅមិនស្ងប់ខ្ញុំមិនដឹងព្រោះហេតុអ្វី ទោះខ្ញុំស្ងប់ចិត្តអារម្មណ៍ខ្ញុំនៅតែឯកា ពេលខ្លះរីករាយតែចិត្តខ្ញុំនៅសែនចំបែង ពេលដែលស្កប់ចិត្តនៅតែមិនសមដូចបំណង ចិត្តនៅចំបែងព្រោះមិនទាន់ឃើញព្រះភក្ត្រទ្រង់។ ៤. អ្នកពនេចរមិនគិតដល់ផ្ទះទេឬអី ឈ្លើយសឹកមិននឹកស្រុកកំណើតទេឬអី មនុស្សដែលស្រឡាញ់ឃ្លាតទៅចិត្តមិនអាល័យឬ កូនពៅឃ្លាតឆ្ងាយមិននឹកដល់ផ្ទះឬទេ ព្រះអង្គអើយចិត្តខ្ញុំចង់បានជួបព្រះភក្ត្រទ្រង់ សេចក្តីស្រឡាញ់ក្នុងលោកមិនអាចប្រៀបបាន ពេលនេះខ្ញុំនៅមិនអាចឃើញព្រះភក្ត្រដ៏ថ្លៃថ្លា ដួងចិត្តសោកាខ្ញុំយំព្រោះរង់ចាំផ្លូវទ្រង់។ ៥. ឬព្រះអង្គភ្លេចដែរទ្រង់ប្រទានក្តីសន្យា នឹងទទួលខ្ញុំទៅនៅក្បែរព្រះកាយា ថ្ងៃមួយផុតទៅ ថ្ងៃមួយទៀតបានចូលមកដល់ ខ្ញុំរង់ចាំផ្លូវព្រះអង្គយាងមកពេលណា សូមទ្រង់នឹកដល់ខ្ញុំរង់ចាំរហូតនឿយណាយ ទីសម្គាល់នោះដូចគ្រាដើមនៅតែសែនឆ្ងាយ តើយូរឬឆាប់ខ្ញុំត្រូវរង់ចាំដល់ពេលណា ទើបទ្រង់មកទទួលខ្ញុំសម្រេចក្តីសន្យា។ ៦. យុគមួយផុតទៅ យុគមួយទៀតបានចូលមកដល់ ពួកបរិសុទ្ធទន្ទឹងលង់លក់ចាំផ្លូវ ម្នាក់ហើយម្នាក់ទៀតពួកគេបានបោះបង់ទៅ មកដល់ឥឡូវយើងនៅចាំទ្រង់យាងមក ហេតុអ្វីព្រះអង្គនៅមិនប្រទានទីសម្គាល់ ឋានសួគ៌បិទជិតយើងឃើញទ្រង់ដូចស្រមោល យើងនៅទីនេះរង់ចាំហើយរង់ចាំទៀត ឱព្រះអង្គអើយឬខ្ញុំរង់ចាំមិនគ្រប់គ្រាន់។ ៧. ពេលដែលគិតដល់តើខ្ញុំរង់ចាំយូរប៉ុណ្ណា មិនអាចទ្រាំបានទួញថ្ងូរស្រក់ទឹកនេត្រា ទ្រង់កុំយឺតយ៉ាវសូមស្តាប់ពាក្យខ្ញុំអធិដ្ឋាន ពេលទ្រង់យាងមកលើកខ្ញុំទៅជួបទ្រង់បាន សូមទ្រង់យាងមកនេះគឺសំឡេងពួកជំនុំ សូមទ្រង់យាងមកស្តាប់ពួកបរិសុទ្ធរង់ចាំ យាងមកនេះគឺសំឡេងច្រើនយុគសម័យផ្តាំ ព្រះអង្គសូមស្តាប់ពាក្យអង្វរថ្ងៃនេះបានទេ។