ન્યૂજર્સીમાં ગુજરાતીઓએ સસ્તાં શાકભાજી લેવા પડાપડી કરી મૂકી!

ન્યૂજર્સીનો એક એવો વિડીયો છેલ્લા બે દિવસથી વાયરલ થઈ રહ્યો છે કે જેને જોઈને કોઈ કહી જ ના શકે કે આ વિડીયો અમેરિકાના કોઈ શહેરનો છે. આ વિડીયો ન્યૂજર્સીમાં તાજેતરમાં જ ઓપન થયેલા એક ઈન્ડિયન ગ્રોસરી સ્ટોરના છે જેમાં સસ્તું અને ફ્રેશ શાકભાજી ખરીદવા માટે આપણી ગુજરાતી પબ્લિકે રીતસરની પડાપડી કરી મૂકી.. જે વિડીયો વાયરલ થયો છે તેમાં લોકો એવી રીતે શાકભાજીની બેગ ભરતા દેખાઈ રહ્યા છે કે હવે પછી જાણે કંઈ મળવાનું જ નથી. આમ તો અમેરિકામાં એક સમયે બ્લેક ફ્રાઈડે સેલ દરમિયાન આવા દ્રશ્યો જોવા મળતા હતા પરંતુ શાકભાજી ખરીદવા માટે આ હદે પડાપડી થઈ હોય તેવું ક્યારેક જ થતું હોય છે. આ વિડીયોમાં લોકો બૂમાબૂમ કરવાની સાથે શાક લેવા પડાપડી કરતા જોઈ શકાય છે.