ლანა ცინდელიანი, თინათინ ბენდელიანი / გერგეთის სამება

ლექსი: ეკა კვიციანი მუსიკა: ლანა ცინდელიანი როცა შენზე შემომწყრალი წამოვყევი ბარში ქარებს, გზა ან მეწყერს ჩაეკეტა, ანდა ნამქერს ჩავეტანე, რა მინდოდა ბარში, ბაილ, ბეთქილ, ბარში რა მინდოდა, აქ ჭუჭყი და მტვერი მახრჩობს, სული დამაქვს ნაწვალები, ჩამქრალი მაქვს თვალში შუქი, დაჭრილი მაქვს ნაწნავები... რა მინდოდა ბარში, ბაილ, ბეთქილ, ბარში რა მინდოდა, ჩემი თოვლისფერი კაბა ვერ აიტანს ნათითურებს, თოვლისფერის რიდი, ბაილ, არ ჰქონიათ, ბარში, თურმე. რა მინდოდა ბარში, ბაილ, ბეთქილ, ბარში რა მინდოდა, ჩემთან ჭუნირის ხმა აღწევს- მოთქმით სტირის მირანგულას, აქ ვერავის ვუერთგულე, მეც ვერავინ მიერთგულა. რა მინდოდა ბარში, ბაილ, ბეთქილ, ბარში რა მინდოდა, მაინც, როგორ აუყევი, ჩემს გარეშე უშბის კიდეს, მარტო როგორ გამომიშვი, როგორ არ გამომეკიდე... რა მინდოდა ბარში, ბაილ, ბეთქილ, ბარში რა მინდოდა,