Trafiku me drurët e prerë - News, Lajme - Vizion Plus

http://www.vizionplus.tv   / vizionplustv     / vizionplustv   Batërdia e pyjeve nuk vjen nga këta banorë të Arzës në Devoll të cilët thonë se drurët i kanë përdorë vetëm për ngrohje. Sipas tyre në këto 20 vite trafiku me drurët e prerë është bërë nga persona të tjerë të ardhur në zonë me kamionë. Aksionin e nisur një ditë më parë nga inspektorët e mjedisit dhe policia nuk e kanë pritur mirë ndaj edhe reagojnë të revoltuar. I shqetësuar për abuzimin e sipërfaqeve të mëdha të pyjeve prefekti i qarkut të Korçës ka mbledhur në një takim banorët duke i sqaruar se ky aksion është i ligjshëm dhe sipas tij masakra ndaj pyjeve nuk do të tolerohet më. Një ditë më parë në shtepite e banoreve të Arzës u sekuestruan 400 metër kub lëndë drusore të konsideruara si prerje të paligjshme.