Venezuela shpall emergjencë kombëtare, mijëra të zhdukur nga tërmetet,bota nis ekipe kërkim-shpëtimi

Bilanci i viktimave nga tërmetet shkatërruese në Venezuelë vijon të rëndohet, ndërsa ekipet e shpëtimit po kërkojnë ende mes rrënojave për të mbijetuar. Sipas autoriteteve, të paktën 164 persona kanë humbur jetën dhe 971 të tjerë janë plagosur pas dy lëkundjeve të fuqishme sizmike që goditën vendin me vetëm 39 sekonda diferencë. Tërmeti i parë ishte me magnitudë 7.2 ballë, ndërsa i dyti arriti në 7.5 ballë të shkallës Rihter, duke u konsideruar më i fuqishmi që ka goditur Venezuelën në më shumë se një shekull. Zonat më të prekura mbeten Karakasi dhe krahina e La Guairas, ku dhjetëra ndërtesa janë shembur dhe dëmet janë të mëdha. Presidentja e përkohshme, Delcy Rodriguez, shpalli gjendjen e emergjencës dhe u bëri thirrje qytetarëve të largohen nga godinat e dëmtuara për shkak të rrezikut nga pasgoditjet. Ndërkohë, mijëra familje vazhdojnë të kërkojnë informacion për të afërmit e tyre, ndërsa në një platformë të posaçme janë regjistruar mbi 26 mijë persona me të cilët nuk është vendosur ende kontakt. Autoritetet sqarojnë se kjo nuk përbën një listë zyrtare të të zhdukurve, pasi shumë qytetarë mund të ndodhen në zona pa komunikim. Situata ka nxitur reagimin e komunitetit ndërkombëtar, me Shtetet e Bashkuara që kanë shprehur gatishmërinë për të dërguar ekipe kërkim-shpëtimi, ndihma mjekësore dhe mbështetje humanitare. Bashkimi Evropian, Franca, Spanja, Portugalia dhe Holanda kanë njoftuar gjithashtu se janë të gatshme të kontribuojnë me specialistë, pajisje dhe fonde emergjente për përballimin e katastrofës. Ndërsa operacionet e shpëtimit vazhdojnë pa ndërprerje, autoritetet druhen se bilanci i viktimave mund të rritet edhe më tej në orët dhe ditët në vijim Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje. Subscribe to our YouTube Channel: http://bit.ly/3H0S7oQ Find us at: https://www.rtsh.al/ Follow us on social Follow us and get updates from RTSH on social media: Facebook:  / rtshqiptar   Instagram:  / rtshqiptar   Twitter:  / rtshqiptar   Tik Tok:  / rtshqiptar   #lajme #RTSH #news