كتاب سحري بيدي قوة سحرية لبنت عادية ويخليها هي اللى تنهي الحرب بين البشر ومصاصين الدماء

كتاب سحري بيدي قوة سحرية لبنت عادية ويخليها هي اللى تنهي الحرب بين البشر ومصاصين الدماء وفي اللحظة اللى (ديانا) و(ماثيو) بيرجعو الحاضر، كانت (ام) ماتت، و(دايانا) بتزعل جدا انها حتي ملحقتش تسلم عليها وتعرفها انا هتك,ن جدة خلاص. وساعتها (ماثيو) بيفاجئها ويقولها انه سامع نبض قلبين مش واحد بس، وبعدها بيومين كان (جالوجلاس) رجع قلعة سبتور، والكل اجتمعو علي انهم يحمو (ديانا) واولادها من المجلس، ولما (سارة) بتروح المكان اللى ماتت فيه (ام) بتلاقي ورقة الكتاب ظهرت تاني فجأة فبتاخدها وترجع القلعة. وبتقول لـ(ديانا) ان (ام) كانت في الغابة وقت ما قتلها (بيتر نوكس)، و(ديانا) بتستغرب ان عمتها (ام) كانت بتستخدم السحر الامتطور ده عشان تتواصل مع روح (ريبيكا) مع انها عارفة ان ده محظور، بس (سارة) بتقولها ان كان عندها احساس داخلي مش قادرة تتغلب عليه وكانت محتاجة مساعدة (ريبيكا). وساعتها (سارة) بتطلب من (ديانا) انهم يستخدمو السحر ده في انهم يرجعوها ويغيرو الماضي بما انها مسافرة في الزمن تقدر ترجع وتنقذها، بس (ديانا) بتقولها انها متقدرش تغير احداث حصلت، وبتفاجئها بحملها في توأم. فـ(سارة) بتتفاجئ ومكنتش عارفة هيبقو مصاصين دماء ولا سحرة ولا حاجة جديدة تكون خطر عليهم، بس (ديانا) بتقولها انهم اولادها وهتحبهم وتحميهم مهما كانو. في الوقت اللى كان المجلس عمل اجتماع، الكل بيحضروه بطلب من (اغاثا) عشان يحققو مع (بيتر) بسبب قتله لـ(ام) وانه اقتحم ارض مصاصين الدماء وعيلة (دي كليرمونت).