AUTOMATIC SPINNING MACHINE (ASM) TRAINING VIDEO | ASM | KSCMMC

KSCMMC - കയർ മേഖലയുടെ യന്ത്രവത്കരണം. കയർമേഖലയുടെ രണ്ടാം പുനഃസംഘടനയുടെ ഭാഗമായി കേരള സ്റ്റേറ്റ് കയർ മെഷിനറി മാനുഫാക്ച്ചറിങ് കമ്പനിയെ ചുമതലപ്പെടുത്തിയത് അനുസരിച്ച് കേരള സർക്കാരിനും കയർ വികസന വകുപ്പിനു വേണ്ടി നിരവധി മെഷീനുകളാണ് KSCMMC കേരളത്തിലെ വിവിധ കയർ കോർപ്പറേറ്റീവ് സൊസൈറ്റികൾക്ക് നൽകിയിട്ടുള്ളത്. ഇത്തരത്തിൽ ആസൂത്രിത അടിസ്ഥാനസൗകര്യ വികസന പാതയിലാണ് ഇപ്പോഴത്തെ കയർ രംഗം. ഇതിന്റെ ഭാഗമായി ആദരണീയനായ വകുപ്പ് മന്ത്രി ഡോക്ടർ ടി എം തോമസ് ഐസക് അവർകളുടെ നിർദ്ദേശാനുസരണം കേരളത്തിലെ 200 സൊസൈറ്റികൾക്ക് കയർപിരി മേഖലയിൽ വ്യത്യസ്ത രീതിയിലുള്ള ഫാക്ടറി സംവിധാനം ഏർപ്പെടുത്താനാണ് ഗവൺമെന്റ് മെക്കനൈസേഷൻ വഴി ഉദ്ദേശിച്ചത്. ഇതിന്റെ ഭാഗമായി ആദ്യഘട്ടമെന്ന നിലയിൽ ഏകദേശം ഒരു കയർ സൊസൈറ്റിയിൽ 10 ഓട്ടോമാറ്റിക് സ്പിന്നിങ് മെഷീനും അനുബന്ധമായിട്ടുള്ള 5 ഹോഴ്സ് പവർ ശേഷിയുള്ള UNBUNDLING മെഷീനും അതോടൊപ്പം ഒരു കുതിര ശക്തി യുടെ വില്ലോവിങ് മെഷീനും 1 HP ശേഷി യോട് കൂടിയ കയർ Hanking machine ഉം കയറിനെ ചുറ്റി എടുക്കുന്ന സ്‌പൂളിങ് മെഷീനും അടങ്ങുന്ന ഒരു ഫാക്ടറി സമുച്ചയമാണ് കേരള ഗവൺമെന്റ് കയർ വികസന വകുപ്പ് വിഭാവനം ചെയ്തു നടപ്പിലാക്കിക്കൊണ്ടിരിക്കുന്നത്. ഇതനുസരിച്ച് ഫാക്ടറിയിൽ 25 HP വൈദ്യുതി ആണ് ആവശ്യം വരുന്നത്. കേരളത്തിൽ വിവിധ സൊസൈറ്റികളിൽ വേണ്ടുന്ന ഇൻഫ്രാസ്ട്രക്ച്ചർ (കെട്ടിടങ്ങൾ), വൈദ്യുതിയുടെ ലഭ്യതയുണ്ട് എങ്കിൽ ഇങ്ങനെയുള്ള വലിയ സൊസൈറ്റികളിലെല്ലാം ഈ രീതിയിലുള്ള ഫാക്ടറി സംവിധാനം നടപ്പിലാക്കി വരികയാണ്. ഇങ്ങനെ നടപ്പിലാക്കിവരുന്ന ഫാക്ടറിയിൽ 10 ASM ൽ കയർ ഉൽപ്പാദിപ്പിക്കുമ്പോൾ തന്നെ ഒരു ഷിഫ്റ്റിൽ അതായത് എട്ടു മണിക്കൂർ കൊണ്ടുതന്നെ 700 കിലോഗ്രാം ചകിരിയെ കയറാക്കി മാറ്റുവാൻ സാധിക്കും. ഇതിനു ആവശ്യമായ ചകിരിയുടെ വില ഏകദേശം 23 രൂപയും എന്നാൽ കയറിന്റെ വില 47 മുതൽ 52 രൂപ വരെയുമാണ്. ഈ മൂല്യവർദ്ധിത ഉല്പന്ന ത്തിൽ നിന്നും ഏതാണ്ട് ഒരു തൊഴിലാളിക്ക് 500 രൂപ വെച്ച് കൂലി നൽകിയാൽ പോലും 30 മുതൽ 40 രൂപ കൊണ്ട് തന്നെ ഉൽപ്പാദനച്ചെലവ് നടക്കുകയും ഏകദേശം ഒരു കിലോ കയറിൽ നിന്നും മിനിമം എട്ടു രൂപയുടെ ലാഭമുണ്ടാക്കാനും സൊസൈറ്റിക്ക് കഴിയുകയും ചെയ്യും ഈ രീതിയിൽ രണ്ടു ഷിഫ്റ്റ്‌ പ്രവർത്തിത്തിപ്പിക്കുന്ന സൊസൈറ്റികൾ അതിനനുസൃതമായ ലാഭമുണ്ടാക്കാനും കഴിയും. ഇത്തരത്തിലുള്ള ഏകദേശം 62 ഫാക്ടറികളാണ് കേരളത്തിൽ ഇപ്പോൾ കേരള സർക്കാരിനു വേണ്ടി കേരള സ്റ്റേറ്റ് കയർ മെഷിനറി മാനുഫാക്ച്ചറിങ് കമ്പനി turn key പ്രൊജക്റ്റായി നടപ്പിലാക്കിയിരിക്കുന്നത് ഇതിന്റെ ഭാഗമായി ആലപ്പുഴ ജില്ലയിൽ ഏകദേശം 10 സൊസൈറ്റികളിൽ നൂറോളം മെഷീനുകൾ സ്ഥാപിച്ചു കഴിഞ്ഞു, വൈക്കത്ത് മൂന്നു സൊസൈറ്റികളിൽ മുപ്പതോളം മെഷീനുകളും കായംകുളം പ്രോജക്ടിന് കീഴിൽ 6 സൊസൈറ്റികളിലായി അറുപതോളം മെഷീനുകളും കൊല്ലം പ്രോജക്ടിന് കീഴിൽ 17 സൊസൈറ്റികളിലായി 170 മെഷീനുകളും തൃശ്ശൂർ പ്രോജക്ടിന് കീഴിൽ ഏകദേശം 12 സൊസൈറ്റികളിലായി 120 മെഷീനുകളും കണ്ണൂരിൽ പത്തോളം സൊസൈറ്റികളിലായി 94 മെഷീനുകളും ചിറയിൻകീഴിൽ 4 സൊസൈറ്റികളിലായ് 40 മെഷീനുകളും വടക്കൻ പറവൂരിൽ ഒരു സൊസൈറ്റി 10 മെഷീനും അടങ്ങുന്ന മൊത്തം 620 ASM ഉം അവയുടെ അനുബന്ധ മെഷീനുകളും ( unbundling machine, willowing machine, Hanking machine, Spooling machine ) നൽകി ഫാക്ടറി സംവിധാനമാക്കി പ്രവർത്തിപ്പിച്ചു കൊണ്ടിരിക്കുകയാണ് ഇതിന്റെ ഇലക്ട്രിഫിക്കേഷൻ വർക്കുകളും കേരള സ്റ്റേറ്റ് കയർ മെഷിനറി മാനുഫാക്ച്ചറിങ് കമ്പനി തന്നെ നടപ്പിൽ വരുത്തി അതിനെ ഒരു turn key പ്രോജക്ട് ആയി നൽകുകയാണ്. ഇതിന്റെ മെഷീനുകളുടെ പ്രാഥമിക ട്രെയിനിങ് നടത്തുന്നതിനു സംസ്ഥാനത്തെ കയർ റിസർച്ച് ഇൻസ്റ്റിറ്റ്യൂട്ട് ആയ എൻ.സി.ആർ.എം.ഐ യെ ആണ് ചുമതലപ്പെടുത്തിയിരിക്കുന്നത്. ഈ 62 സൊസൈറ്റികളിലും അവരുടെ ട്രെയിനെർസ് ആവശ്യമായ ട്രെയിനിങ് നടത്തിക്കൊണ്ടിരിക്കുകയാണ് കൂടാതെ കേരള സ്റ്റേറ്റ് കയർ മെഷിനറി മാനുഫാക്ച്ചറിങ് കമ്പനി സ്വന്തം നിലയിൽ തന്നെ മെഷീനുകളുടെ റിപ്പയറിങ്ങിൽ ട്രെയിനിങ് നടത്തുന്നതിനു വേണ്ടിയുള്ള പ്രാഥമികമായ കാര്യങ്ങൾ അതായത് ഓരോ സൈറ്റുകളിൽ നിന്നും ഒരു തൊഴിലാളിക്ക് വീതം കേരള സ്റ്റേറ്റ് കയർ മെഷിനറി മാനുഫാക്ച്ചറിങ് കമ്പനി 15 ദിവസത്തെ ട്രെയിനിങ്ങും നൽകുന്നതിനുള്ള നടപടികളും എടുത്തിട്ടുണ്ട് ഇത്തരത്തിൽ 62 ഫാക്ടറി സംവിധാനത്തിലൂടെ ഏകദേശം 1600 - 2000 പേർക്ക് നേരിട്ട് തൊഴിൽ നൽകുവാനായി സാധിക്കും. ഇതിനോടനുബന്ധിച്ച് കയറിന്റെയും ചകിരിയുടെയും മൂല്യവർദ്ധിത ഉൽപ്പന്നങ്ങൾ വരുമ്പോൾ നിരവധി പേർക്ക് തൊഴിൽ നൽകാൻ അടിസ്ഥാനപരമായ ഈ വികസനത്തിലൂടെ സാധിക്കും. കൂടുതൽ ഫാക്ടറികൾ ഏകദേശം ഇരുന്നൂറോളം ഫാക്ടറികൾ ഉടനടി സ്ഥാപിക്കാനുള്ള നിർദ്ദേശമാണ് ആദരണീയനായ വകുപ്പ് മന്ത്രി ഡോക്ടർ ടി എം തോമസ് ഐസക് അവർകളിയിൽ നിന്നും കേരള സ്റ്റേറ്റ് കയർ മെഷിനറി മാനുഫാക്ച്ചറിങ് കമ്പനിക്ക് ലഭിച്ചിരിക്കുന്നത്. ഇതിനുള്ള പ്രവർത്തനങ്ങളുമായി മെഷിനറി ഫാക്ടറി ധൃതതഗതിയിൽ മുന്നോട്ടു പോയിക്കൊണ്ടിരിക്കുകയാണ്. ഫാക്ടറികളുടെ പ്രവർത്തനം പ്രതിദിനം രണ്ടു ഷിഫ്റ്റ്‌ ആക്കിയാൽ 62 ഫാക്ടറികളിൽ നിന്നും പ്രതിദിനം 86 ടൺ കയറിന്റെ അധിക ഉത്പാദനശേഷി കൈവരിക്കുവാൻ കഴിയും, അതായത് പ്രതിവർഷ ഉല്പാദന വർദ്ധനവ് 26, 000 ടൺ കൈവരിക്കുവാനാകും. ഒരു ദിവസം ഒരു ഫാക്ടറി എന്നാ നിലയിൽ ഈ യൂണിറ്റുകളും ഉത്ഘാടനം നടന്നു വരുകയാണ്. കേരള സർക്കാരിന്റെ 100 ദിനപരിപാടിയിൽ ഉൾപ്പെടുത്തി 100 ഫാക്ടറികളുടെ പ്രവർത്തന ഉത്ഘാടനം നടത്തുവാനാണ് ഉദ്ദേശിക്കുന്നത്. ഒരു ഫാക്ടറിയുടെ പ്രോജെക്ട് തുക 50 ലക്ഷം രൂപയാണ്.200 യൂണിറ്റുകൾക്കായി കേരള സർക്കാർ NCDC യും കൂടി 100 കോടി രൂപയുടെ പ്രോജെക്ടാണ് നടപ്പിൽ വരുത്തികൊണ്ടിരിക്കുന്നത് #kscmmc #asm #keralagov #tutorial #government