✧狂玩玻利維亞✧｜EP16｜深入現仍開採中既「活礦洞 」🌙✨前礦工導遊即場製作炸彈⚠️100個震撼🤯🤯

今次，我哋去到玻利維亞：波托西城市。波托圖西曾經因為銀礦已成為拉丁美洲最富裕嘅城市。雖然而家銀礦已經被開發得7788 ，但當地仍然有唔少人喺礦洞裏邊以小組自顧形式工作，而當中有五成嘅人都係青少年。 我哋參加咗koala tour既礦洞探險原因係佢哋嘅導遊，大部份都曾經係礦工，而團費嘅15%會分配比礦洞入邊嘅礦工。 行程當日： 首先我哋會去到一個地方，換上礦工嘅工作服，然後就去礦工市場買一啲禮物比工作嘅礦工。我哋就買咗一包煙同埋一支嘢飲送俾佢哋🤤 到咗礦場，大家就一齊入去礦洞，入面漆黑一片，一定要開着頭上嘅燈。入咗裏邊足足兩個鐘，感覺到嘅係大量灰塵不停飛入眼，喉嚨亦都因為咁而好唔舒服。 入邊行嘅路接近一半都係唔可以企直個人嚟行，最驚險嘅，係要落下一層共70米！基於入邊冇樓梯，要好小心翼翼咁樣行每一步，如果唔係真係會有生命危險⚠️（所以我哋出去之前都要簽生死狀） 經過呢個旅程，我哋打從心底佩服每一個礦工，基於入邊嘅環境實在太差，佢哋仲要喺入邊工作真係好西利！！ 團費：約HKD250 旅行社：koala tour