Қазақбай Байжұманов мал басын асылдандыруға кірісіпті.

Шу ауданында мал шаруашылығы да жақсы дамыған аудандардың бірі. Жалпы, ауданда дәл осы бағытта атқарылып жатқан жұмыстардың шаш етектен екеніне көз жеткізуге болады. Мәселен, аудан әкімдігі ауылшаруашылығы бөлімінің берген мәлімет бойынша, 2019 жылдың басында аудандағы мүйізді ірі қараның жалпы саны 38 951басты құраса, қой-ешкі- 319626 бас, жылқы- 13985 бас, шошқа- 596 бас, түйе-68 бас, үй құстары -88545 бас есепе алынған. Ауданда барлығы 2732 шаруа қожалығы тіркелген, оның 396 мал шаруашылығымен айналысады. 2019 жылдың 5 айындағы жалпы аудандағы асыл тұқымды мал басы - 34202 бас, 2018 жылмен салыстырғанда 7,5%, 2397 бас өскен. Бүгінгі күнге ауданда 7 шаруашылық етті бағыттағы МІҚ өсірумен айналысады, жалпы саны 483 бас. Олар негізінен (Әулиекөл, Қазақтың ақ бас, Герефорд)тұқымдары. Ол барлық мал басына шаққанда 1,2% құрайды. Мысалы, біз ат басын бұрған «Абылай» шаруа қожалығындағы жұмыстың да қызып жатқанын көзбен көрдік. Ауылдан шалғайда орналасқан аталмыш шаруа қожалық 2003 жылы құрылыпты. Алғашында небәрі азынаулақ малмен бастаған шаруа, бүгінгі күнге мал басын бірнеше есеге көбейтіп алған. Қазіргі кезде қорада 200-ден аса МІҚ сы бар. Шаруашылық жетекшісі Қазақбай Байжұмановтың айтуынша, өткен жылдан бастап мал басын асылдандыруға кірісіпті. Осылайша, олар «Әулиекөл» қазақы ақ бас бұқаларды қосыпты.