Bhanthia, Ekhümkho 2

Bhanthia, Ekhümkho [Verse 1] O ekhümkho, bhanthi ritsso lo woa, Khrista jo ede esopvüi. Ünkhyoe jiang ha ekhyoeden kümtukvü, Potsow etho jilo tae na. Lungdsü tsung osi ntsa ryukhüng Pibo si ritsso lo khochia; Nzan riven ji ovüngi tssotuk si Emüngi evan jiang shanchoa. [Verse 2] Nzan lona mmen kyon jiang socheta, Emüng etho ji roe sü si; Omon yonri ji ni na ben si woa, Potsow na lümedsson ni piv. Ori ndaav na hachüm lea, Opvüi lona ede na khyov; Ekhyo kiven ji Khrista na e piv, Ombo ntüngo esae den tssov. [Chorus] Bhanthi khochia, ritsso lo khochia! Bhanthi woa, Opvüi myingo na! Chekae khia: edeno Ombo tsoe den! O ekhümkho,. . . bhanthia! [Verse 3] Oro zeta! Opvüi edomo donphen ji! Potsow nzan jo kvüta dsübhoa! Ombo ming dhünga, mmen ri ji khyothaka, Echü lona bhanthithaka! Olüp lung ji khoe sithaka, Ede Opvüi jo eküm vana. Ekhyo khen shi ede na denta wov; Ede topvü na Ombo hungvü. [Bridge] Ndho Mon, roa, etho e khyimphayia, Lankhan topvü ronsosia wov; Ni etho lona ori jiang khyov ka; Ekhyo kikho e na hungvü. Kvüthüng Opvüi na roa sana, Ombo ekhümkho ji so lo, Ede na Ombo ntüngo ekhüng sav, Kümmali Ombo mying dhüngvü! [Chorus] Bhanthi khochia, ritsso lo khochia! Bhanthi woa, Opvüi myingona! Chekae khia: edeno Ombo tsoe den! O ekhümkho,. . . bhanthia!