الرأي العام (محاضرة كاملة)

لقاء فلسفة بالبلدي الشهري عن " الرأي العام" تقدمه أ. نهى سالم من متطوعي ومؤسسي مبادرة فلسفة بالبلدي. (المحاضرة الكاملة) عقل الإنسان في منتهى الإبداع، عنده القدرة إنه يخلي أي صورة أو فكرة بيقابلها بتاعته، بيزوقها ويجوّد فيها، لحد ما تتحول لتعبير شخصي عنه (حتى لو ساعات الموضوع ده بيحصل بشكل "درامي" حبتين). بس إيه اللي بيحصل لما مجموعة من الناس يلاقوا نفسهم في موقف مشترك؟ هل تعاملهم مع الأفكار أو الصور اللي بتقابلهم بيختلف؟ في اللقاء الشهري هنتكلم عن مفهوم الرأي العام وهنستخرج المفاهيم والافتراضات والأفكار المرتبطة بيه وهنطرح أسئلة منها: هل نقدر نكوّن رأي عن حاجة خارج نطاق خبرتنا الشخصية؟ لو ناس كتيرة متفقة على فكرة هل ده بيديها قيمة إضافية؟ هل الرأي العام بينشأ بالضرورة من مسألة ذات اهتمام عام؟ فيسبوك: facebook.com/FalsafaBelBaladi موقع: falsafabelbaladi.online