Neevu naasanam aipo! (నీవు నాశనమైపో నాని !) | Short Film 3 | Thraitha Theorem Stories

#shortfilm #thraithasiddantham #spritual "జ్ఞాన దర్శిని" - లఘు (శిష్య) చిత్రాలుగా మారే గురు పత్రాలు !!! శ్రీ శ్రీ శ్రీ ఆచార్య ప్రబోధానంద యోగీశ్వరుల వారి జన్మ దిన వేడుకల సందర్భముగా ... ఈ లఘు చిత్రం మీ కోసం !!! - నువ్వు నాశనమైపో నాని !!! ఈ సృష్టిలో ఏ జీవికి పుట్టిన రోజు అనునది లేదు. అలాగే చావు దినము లేదు. అదేమిటి! సర్వజీవుల చావవుపుట్టుకలు కళ్లారా మేము చూస్తుండగా, మీరేమిటి ఆ రోజులే లేవు అంటున్నారు అని ఎవరైనా అడగవచ్చును. దానికి మా సమాధానమేమనగా, జీవాత్మలమైన మనము సృష్టి ఆదిలో దేహములోనికి ప్రవేశిస్తున్నాము, మరియు ఆఖరీ మరణమును పొందినప్పుడు మాత్రమే నశించిపోతున్నాము. అంతవరకూ మనకు జరిగేవి శరీర మార్పిడులే కానీ, అవి మన పుట్టుక-చావులు కాదు. మానవ దేహమునకు గల ప్రళయ-ప్రభవాలను తన చావు-పుట్టుకలుగా అజ్ఞానవశమున మనిషి భావించుచున్నాడు. ఉన్న వాస్తవమును చెబితే, సృష్ట్యాదిలో బ్రహ్మాండమునుండి ప్రభవించిన దేహములోనికి ప్రవేశించిన జీవాత్మ, శిథిలావస్థకు వచ్చిన ఆ దేహమును మారి తల్లి గర్భమునుండి కొత్తగా ప్రసవింపబడుతున్న శిశు దేహములోనికి ప్రసవ సమయమున చేరిపోవుచున్నాడు. అలా నాటినుండి నేటివరకు వందల, వేల, లక్షల, కోట్ల ..దేహములు మారుచూనేయున్నాడు. తల్లి గర్భములోనికి ఏ మాత్రమూ ప్రవేశార్హత లేని జీవాత్మ, దేహములు అను వాహనములు బాహ్యముగానే మార్చుకుంటూ, బయట బయట వ్యాపారాలే చేయుచున్నాడు. ఈ విధముగా చెబితే జీవాత్మ కూడా బాహ్యరంగమున అక్షరుడే (నాశనము లేనివాడే) కదా! మరి జీవాత్మను మాత్రమూ భగవద్గీతలో "క్షరుడు" (నాశనమయ్యేవాడు) అని ఎందుకు అన్నారని అనుమానము రాక మానదు. అయితే బాహ్య దృష్టితో అనంత కర్మఫలమును సంచితములో కూర్చుకొనియున్న జీవులు తమ దేహమునకు గల ఈ చావు-పుట్టుకలు అనే చట్రములో పడి శాశ్వత అజ్ఞానయుతులై భ్రమిస్తున్న మాట వాస్తవమే. కానీ! ఏ జీవాత్మకైతే శరీరాంతర్గత దృష్టి కలిగి తనలోనే "అక్షరుడైన" ఆత్మ "శక్తి"గా కొలువై ఉన్నాడని తెలిసి, ఆ ఆత్మను అధ్యయనం చేయుటకై "సద్గురు" బోధతో ఆధ్యాత్మిక విద్యను పొందగల్గి, తదనుగుణముగా యోగాచరణ చేసిన యెడల, ఆ యోగముచే కలుగు జ్ఞానాగ్నితో తన కర్మయంతా కాలిపోగా, అట్టి ఆ జీవుడు "నాశనమై పోయి" పురుషోత్తముడైన ఆ పరమాత్మలోనికి ఐక్యమైపోవును. అట్టి ఆ జీవుడు మాత్రమే, గీతలో భగవానుడు చెప్పిన "క్షరుడు" అను నామమునకు అర్హతబొందినవాడగును. ఈ విషయము ఏ మాత్రమూ గ్రహింపులోలేని నేటి మనుషులు, బాహ్య కోర్కెలతో అంధులై, జీవుల పాలిటి దూషణలైన "దీర్గాయుషుమాన్ భవ" అని "కామ్యర్థఫల సిద్ధిరస్తు", "ఇష్టార్ధఫల సిద్ధిరస్తు" వంటి తిట్లను దీవెనలుగా భావించుకొని దీవిస్తున్నారు. కనుకే మానవుని జీవితం, "దిన దిన గండం - నూరేళ్ళ ఆయుష్షు" అన్న సమెతగా మారిపోయినది. కావున, ఓ జీవులారా! నేటికైనా నిజ గురు "ప్రబోధను" గ్రహించి, అట్టి ఆ త్రైతాత్మ జ్ఞానముతో ఆత్మను యోగాచరణచే పొందగల్గి, పరమాత్మలో కలిసి నాశనమైపోగలరని ఆశిస్తూ !!! నీవు నాశనమైపో నాని !!! ఈ లఘు చిత్రమును వీక్షించిన వీక్షకులు, జ్ఞానార్థులైతే శ్రీ స్వామివారు రచియించిన "తిట్ల జ్ఞానము - దీవెనల అజ్ఞానము" అను సంచలాత్మక గ్రంథమును చదవండి !!! https://www.thraithashakam.org/public... TEAM: ----- Directed by : Madhu Sudan Reddy Actors : Bytinti Meenakshi Reddy, Yaswanth Reddy, Manasa, Krishna. Cinematography : Naveen Kumar Editing : Subhash Reddy Music : Pramod Kumar K Story Line, Captions & Monitoring : Siva Krishna Kogili Production : Gnana Darshini Team Special Thanks : Madhav Reddy Monkey Minds StudioZ