Karabina: Ato me arkivol s’janë protesta qytetare. Muça: Po kush është protesta? | 3D

Pedagogia Mirela Karabina ka deklaruar në emisionin “3D” të Alban Dudushit në RTSH1 se futja e simboleve provokuese si arkivoli në protestë nuk përfaqësojnë protestën qytetare paqësore. Karabina u shpreh se forca të caktuara po tentojnë t’i ndryshojnë imazhin protestës duke futur simbole të tjera, por protesta e vërtetë ka arritur ta “fshijë” këtë gjë. “Sigurisht që ne kemi vënë re këtë kohë që ata të cilët duan që t’i japin një imazh tjetër protestës, nuk e duan këtë protestë, po tentojnë me sa duket të fusin disa simbolika të tjera, por që një gjë është e vërtetë që protesta ka fshirë këtë gjë,” tha Karabina. Ajo shtoi se vendosja e një arkivoli në një protestë ku marrin pjesë fëmijë dhe familjarë është e papranueshme: “Domethënë në momentin që ti tenton të bësh dhunë, të vendosësh një arkivol në një protestë kaq bukur ku janë fëmijë, ku janë familjarë…” Karabina beson se këto veprime vijnë nga aktorë që synojnë ta kthejnë protestën në diçka të ngjashme me protestat e dhunshme të së kaluarës: “Ajo çka ndodhi u tha sigurisht që unë mendoj dhe besoj që janë ata të cilët duan që kësaj proteste t’i ndryshojnë këtë imazh ta kthejnë në një protestë siç kemi parë në protesta të dhunshme ndërkohë që kjo nuk është e tillë.” Sipas saj, protesta ka krijuar një identitet të ri, unik, që shkon përtej rotacionit të pushtetit . “Pra ata të cilët duan që të dështojë kjo protestë, e cila tashmë kjo ka krijuar një identitet dhe kjo nuk dështon dot më, se kjo protesta si asnjëherë më parë është ngritur mbi një logjikë tjetër, jo thjesht ndryshim rotacion pushteti, por ka thënë establishmentit stop, ky është sistemi. Po atëherë t’i themi një sistem të korruptuar dhe ne duam një të pakorruptuar. Kështu që kjo protesta vetëm sulmohet”, theksoi ajo. Nga ana e tij, analisti Flogert Muça duke replikuar me Karabinën shtroi pyetjen se kush është protesta, teksa theksoi se “nuk është ajo protesta kur bëhet fjalë që ngjisin emra artistësh nëpër pemë dhe u vendosin kryqe. Sa të tjerë nuk është ajo protesta që gjuajnë me vezë” “Po pra, po të gjitha këto copëza – ca me arkivol, ca me vezë, ca me këtë, ca me atë – kjo është protesta? Më fal kështu, kështu është katandisur protesta? Se protesta është ajo atje që është praktikisht Shqipëria në BE. Ajo është Shqipëria në BE. Protesta është e para që ka hyrë në BE. Kjo që po ndodh tani që është rrudhur është jo në BE, po në HE”, tha Muça. /rtsh.al/ 3D me Alban Dudushin, një program i dedikuar aktualitetit ku trajtohen "dritëhijet, debatet dhe dilemat" mbi çështjet që prekin dhe shqetësojnë publikun shqiptar brenda dhe jashtë vendit. Përmes gazetarëve dhe analistëve të ftuar në panel, 3D do të përcjellë mesazhe të forta nga Shqipëria dhe përtej saj. Subscribe to our YouTube Channel: http://bit.ly/3H0S7oQ Find us at: https://www.rtsh.al/ Follow us on social Follow us and get updates from RTSH on social media: Facebook:  / rtshqiptar   Instagram:  / rtshqiptar   Twitter:  / rtshqiptar   Tik Tok:  / rtshqiptar   #3D #RTSH #albandudushi