Report TV - OFL zbarkon në Fier, i kërkon llogari për pasurinë 4 'të fortëve'

Forca e Ligjit ka zbarkuar ditën e sotme në Fier ku i ka dërguar formularin për vetëdeklarimin e pasurisë katër ‘të fortëve’. Bëhet fjalë për Fredi Genicës, Sokol Muratin, Fatmir Kajolliin dhe Sokol Genicën. Sipas ligjit, ato duhet t’u përgjigjen me shkrim, brenda 48 orësh, të gjitha pyetjeve dhe më pas, përgjigjet e marra do t’i dërgohen SPAK-ut, për veprime të mëtejshme. "Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: F. G., banues në Fier, pasi Gjykata e Milanos, Itali, e ka dënuar me burg për veprën penale “Organizatë kriminale, me qëllim trafikim droge”; S. M., banues në Fier, i shpallur në kërkim ndërkombëtar, pasi autoritetet italiane kanë lëshuar urdhrin e arrestit për kryerjen e veprës penale “Trafik ndërkombëtar i lëndëve narkotike”; F. K., banues në Fier, pasi Gjykata Penale e Romës, Itali, ka vendosur dënimin e tij për veprën penale "Shoqatë kriminale, trafikim, prodhim dhe posedim i lëndëve narkotike dhe substancave psikotrope", ndërsa Gjykata Penale e Milanos, Itali, e ka dënuar për veprën penale "Pjesëmarrja në organizatë kriminale dhe shkelja e ligjit për narkotikët";