مالک کی وفات کے بعد پاور آف اٹارنی ختم؟ جائیداد کی رجسٹری نہیں ہو سکتی؟| لاہور ہائیکورٹ کا اہم فیصلہ

⚖️ مالک کی وفات کے بعد پاور آف اٹارنی ختم! کیا مختارِ عام پھر بھی جائیداد فروخت کر سکتا ہے؟ لاہور ہائیکورٹ کا اہم فیصلہ** جائیداد کی خرید و فروخت میں ایک معمولی سی قانونی غلطی بھی لاکھوں روپے کے نقصان کا سبب بن سکتی ہے۔ لاہور ہائیکورٹ نے اپنے ایک اہم فیصلے میں واضح کر دیا ہے کہ *اصل مالک (Principal) کے انتقال کے ساتھ ہی اس کا دیا ہوا جنرل پاور آف اٹارنی (General Power of Attorney) خود بخود ختم ہو جاتا ہے۔* اہم قانونی نکات: ✅ *1۔ مالک کی وفات = پاور آف اٹارنی کا خاتمہ* قانونِ معاہدہ (Contract Act, 1872) کی دفعہ 201 کے مطابق، مالک کے انتقال کے بعد مختارِ عام کے تمام اختیارات ختم ہو جاتے ہیں۔ اس کے بعد اس کی طرف سے کی گئی فروخت یا رجسٹری قانونی حیثیت نہیں رکھتی۔ ✅ *2۔ سب رجسٹرار کی ذمہ داری* رجسٹریشن ایکٹ کی دفعات 32 اور 34 کے تحت سب رجسٹرار پر لازم ہے کہ وہ فروخت کنندہ کی قانونی اہلیت اور اختیار کی جانچ کرے۔ اگر مالک فوت ہو چکا ہو تو رجسٹری روکنا اس کی قانونی ذمہ داری ہے۔ ✅ *3۔ دفعہ 77 کا دائرۂ اختیار محدود ہے* رجسٹریشن سے انکار کے خلاف دائر مقدمے میں عدالت صرف یہ دیکھتی ہے کہ رجسٹری روکنا درست تھا یا نہیں۔ اس مقدمے میں ملکیت (Title) یا بیع کی صحت کا فیصلہ نہیں کیا جاتا۔ خریدار کے لیے قانونی راستہ اگر خریدار نے نیک نیتی سے قیمت ادا کی ہو تو اس کا حق ختم نہیں ہوتا۔ وہ مرحوم مالک کے قانونی ورثاء کے خلاف *دعویٰ برائے تعمیلِ معاہدہ (Specific Performance)* دائر کر کے اپنے حقوق کا مطالبہ کر سکتا ہے۔ *سبق:* جائیداد خریدنے سے پہلے صرف پاور آف اٹارنی دیکھنا کافی نہیں، بلکہ یہ بھی لازمی ہے کہ اس وقت اصل مالک حیات ہو اور مختارِ عام کا اختیار قانونی طور پر برقرار ہو۔ *راشد عمر اولکھ، ایڈووکیٹ ہائی کورٹ* 📞 0332-7617540 *آپ کی رائے کیا ہے؟* کیا خریدار کو ایسے حالات میں مزید قانونی تحفظ ملنا چاہیے؟ اپنی رائے کمنٹس میں ضرور دیں، اور یہ معلومات دوسروں تک پہنچانے کے لیے پوسسٹ شیئر کریں۔