المداح السيد مقداد الرضوي في تكية ومضيف الساده بني عز

الزم السانك وحاذر القيل وقال.. الچذب والغيبه مو طبع الرجال.. ******** الزم السانك يخوي الله يهداك.. وكافي گاعد تثرم بهذا وهذاك.. مثل ماتزعل من اليحچي بگفاك.. هو هم يزعل ومابيها مجال،، ~~~~ الچذب والغيبه تدعو للثبور.. آخ لو يحچولك أصحاب القبور.. توب وارجع لله بسك يمعثور. وخاف من نارن سريعه الاشتعال،، ~~~~ لا تگول اتمازح و قصدي شريف.. واثرم بخلگ الله بس گلبي نظيف. اتقي المولى يبو دمن خفيف.. وتوب گبلن تندفن حدر الرمال،،، اتق الله واعمل ليوم الرحيل.. واحذر دروب الهوى وقالن وقيل.. العمر ساعه ترا وعما قليل.. تشوف ملك الموت يندهلك تعال،،، لا يخوي شجاك اشوفك منهبل.. الله يستر وانت تنشر عالحبل.. عاجبك فضح الخلگ لا يالخبل.. ياهبيل الموت مو لعبت جهال،،، توب من شغل الفتن لايمهدوم.. واترك دروب الاذى ونگل العلوم.. كافي بطل الثرثرى وخلك كتوم.. وجاوب اليسأل على گد السؤال،، احذر وإياك قذف المحصنات.. واحذر افلانه اطلعت وفلان فات.. هي دقه بدقه يالعندك خوات.. وان زدت زادوك مابيها مجال،، التصوف عفه وأخلاق وضمير.. وغير هذا مو تصوف لو تطير.. احذر وحاذر ترى الموقف عسير.. واترك دروب النصب والاحتيال،،، والله لوما حضرة الشيخ الجليل.. جان مابطل الساني القال وقيل.. يابو عبدالله لك الشكر الجزيل.. وبارك الله بيك ياحلو الخصال الحقد آخ الحقد كم قد هلك.. فيه اقوام ولعب بيهم فلك.. ماسلم من شرو بس ذاك السلك.. نهج ابو الزهرا الحلو وعن غيرو مال،،، والصلاه تلو الصلاه تلو الصلاه.. عالنبي والناصرو وهاجر معاه.. وتغفر لسيد احمد وتقبل دعاه.. لخاطر آل البيت وسيدنا بلال،،،،