សាលាខេត្តស្ទឹងត្រែង៖ ទំនិញថៃដែលដឹកចូលមកកម្ពុជាមិនមែនជាទំនិញហាមឃាត់

អ្នកនាំពាក្យសាលាខេត្តស្ទឹងត្រែង លោក ម៉ែន គុង បានឲ្យដឹងនៅថ្ងៃអាទិត្យ​ ទី៣ ខែសីហានេះថា ទំនិញថៃ ដែល​បន្ត​នាំចូលមកកម្ពុជាតាមច្រកព្រំដែនប្រទេសឡាវ ​​ជាប្រភេទទំនិញ​ដែល​មិនស្ថិតក្នុងបម្រាមរបស់រដ្ឋាភិបាលកម្ពុជា។ តាម​លោក ម៉ែន គុង ទំនិញថៃ​ទាំងនោះ​​​មិនត្រូវបានដឹកជញ្ជូនដោយផ្ទាល់ពី​ថៃមកកម្ពុជាទេ​ ពោលគឺ ត្រូវដឹក​ពី​ថៃចូលទឹកដីឡាវសិន​​​​ រួច​ទើបដឹក​បន្ត​មកកម្ពុជា តាមច្រក​ទ្វារអន្តរជាតិ ត្រពាំងគ្រៀល-ណងណុកខៀន នៅព្រំដែនខេត្តស្ទឹងត្រែង ប្រទេសកម្ពុជា និងខេត្តចំប៉ាសាក់ ប្រទេសឡាវ។ សូមជម្រាបថា កាលពីថ្ងៃទី១៦ ខែកក្កដា ឆ្នាំ២០២៥ អគ្គនាយកដ្ឋានគយ និងរដ្ឋាករកម្ពុជាបានជូនដំណឹងអំពីការហាមមិនឲ្យនាំចូលទំនិញរបស់ថៃសំខាន់ពីរប្រភេទធំៗ គឺបន្លែ ផ្លើឈើ និងប្រេងឥ​ន្ធនៈ និងឧស្ម័នឥន្ធនៈ ដូចជាប្រេងសាំង ម៉ាស៊ូត ឧស្ម័នរាវសម្រាប់ដុត (LPG និង LNG) ប្រេងខ្មៅ និងប្រេងសាំងយន្តហោះ៕ 🔔 Please subscribe: https://rfi.my/YTkm 🌍 ទទួល​​ព័ត៌មាន​នៅ​ជុំវិញពិភពលោក​ដោយ​ផ្ទាល់ https://www.rfi.fr/km/ ភ្ជាប់ជាមួយ​ហ្វេសប៊ុក​របស់​យើង https://rfi.my/FBkm ទទួលព័ត៌មានពី​យើង​តាម​​ X https://rfi.my/Xkm ទទួលព័ត៌មាន​តាម​តេឡេក្រាម https://rfi.my/TGkm