Klan News - Drogë me postë nga Kanadaja, kanabisi nga laboratori më i fortë se prodhimi i vendit

Peshën më të madhe të të arrestuarve e mban Tirana, ku 112 masa janë dhënë vetëm në kryeqytet dhe mbi 80 tashmë janë prangosur. 22 prej personave të arrestuar u kapën në Kombinat, dhe sipas burimeve e kishin kthyer zonën në një “fushë” të shpërndarjes së drogës. Mësohet se në pranga ka përfunduar edhe një menaxher i një lokali në ish-Bllok, pasi në ambientet e tij shpërndahej droga. Hetimet për këto grupe kanë nisur prej më shumë se 6 muajsh ku janë dokumentuar me përgjime dhe blerje të stimuluara aktivitetet kriminale. Droga shpërndahej në disa pika të Tiranës dhe qyteteve të tjera si në zonat ku frekuentoheshin klubet e natës, në afërsi të shkollave etj. Grupet nuk kishin lidhje me njëra-tjetrën, por disa prej tyre bashkëpunonin për trafikun apo shitjen e kokainës, heroinës, kanabisit dhe drograve të llojit xhelatinë. Një risi gjatë operacionit “Tempulli” është fakti se kanabisi kishte arritur që të vinte edhe nga Kanadaja. Droga nga ky shtet është shumë më e fortë se kanabisi që kultivohet brenda vendit, me 5 apo 6 fish më shumë efekt, dhe si pasojë edhe më e shtrenjtë. Kanabisi i rritur me llamba transportohej në konserva apo në kapsolla duke i shpëtuar skanerit të doganës. Një kuti si ato të konservave të peshkut, kushton 50 euro, ndërsa të tjerat shkojnë deri në 300 euro. Gjatë aksionit që u shtri në 5 qarqe, në kryeqytet u sekuestruan 3.7 kg kokainë dhe 10 kg kanabis. Ndërkohë, mësohet se janë sekuestruar edhe 30.000 euro, 4.5 milionë lekë të reja, 6000 paund, 12 automjete, 3 moto-mjete, 78 aparate celularë dhe 12 peshore elektronike. Mësohet se një prej personave të arrestuar disa javë më parë në Tiranë, Genis Mustafa, është pjesë e një prej grupeve të goditura të Enjten. Mustafa u arrestua bashkë me dy personat e tjerë nga Shijaku Andrea Dema dhe Robert Domi. Tre të rinjtë që u lanë në burg me afat, u shfaqën të qeshur në gjykatë para se t’u jepej masa e sigurisë. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan