Edicioni i Lajmeve Tv Klan 27 Korrik 2026, ora 23:00 | Lajme - News

Lajme, #edicioniinformativ ora 23:00, 27 Korrik 2026 #TvKlan #klanlajme Spiker: Reis Çiço Rama: Armiqtë përdorën flamingot për të sulmuar Shqipërinë. S’duhet më ushtri për të destabilizuar një vend Kryeministri Rama thotë se revolucioni i flamingove është shembulli më i mirë sesi armiqtë përdorën hapësirat digjitale për të organizuar një operacion shumë të madh kundër Shqipërisë. Sipas tij, tashmë nuk duhet më një ushtri për të destabilizuar një vend. Kuvendi miraton huanë 302 milionë USD me SHBA-në. Balla: Historike. Berisha: Procedurë joligjore Kuvendi miratoi vetëm me votat e mazhorancës marrëveshjen e huasë prej 302 milionë dollarësh me Shtetet e Bashkuara për financimin në fushën e mbrojtjes. PD nuk mori pjesë dhe e cilësoi procedurën joligjore e antikushtetuese. Shefi i Policisë rrëfen si u lirua Rozalinda: Autori më kërkoi të isha i paarmatosur Shefi i Policisë së Roskovecit, Mariglen Koroveshaj, rrëfen negociatat disa-orëshe që zhvilloi me Refit Buzin për të liruar ish-të fejuarën që e mori peng, pasi i vrau dy prindërit. Sipas tij, autori i kërkoi të ishte i vetëm dhe i paarmatosur. 6 të plagosur dhe viktima çdo ditë në rrugë. Brataj: Shkak, alkooli dhe substancat Mesatarisht 6 persona plagosen ose humbin jetën çdo ditë në rrugët e Shqipërisë, teksa numri i aksidenteve në 6 muajt e parë të vitit është rritur me afro 7 për qind. Mjekët thonë se shkaqet kryesore lidhen me përdorimin e alkoolit dhe substancave narkotike. Padi në Prokurori për “Lule Gjelin”: Profil fals që sulmon politikanët dhe gazetarët Një deputete e PDK padit në Prokurorinë Speciale të Kosovës “Lule Gjelin”, një profil fals që sulmon politikanë dhe gazetarë kritikë me Vetëvendosjen. Sipas padisë, ky profil nxit gjuhën e urrejtjes dhe cenon sigurinë e qytetarëve. Zjarret në Francë dhe Spanjë, ende jashtë kontrollit. Macron: Situata më e vështirë që nga Lufta e Dytë Zjarret masive në Francë dhe Spanjë vijojnë të jenë ende jashtë kontrollit. Presidenti francez Macron e cilësoi situatën si më të vështirën që nga Lufta e Dytë Botërore. Që nga 6 korriku në Francë janë arrestuar 162 persona për zjarrvënie të qëllimshme. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/