ICYIGISHO CYA 5 KU WA 26 NYAKANGA, 2026 Mukorere Byose guhimbaza Imana

ICYIGISHO CYA 5 KU WA 25 - 31 NYAKANGA, 2026 MUKORERE BYOSE GUHIMBAZA IMANA KU ISABATO NIMUGOROBA, 25 NYAKANGA 2026 AHO ICYIGISHO CY'IKI CYUMWERU GISHINGIYE: 1Abakorinto 8; Ibyakozwe n'Intumwa 15:20; 1Abakorinto 9:1-6; 1Abakorinto 10:5-22; Gutegeka kwa Kabiri 6:4, 5; Mariko 12:28-31. ICYO KWIBUKWA: "Namwe iyo murya cyangwa munywa cyangwa mukora ikindi kintu cyose, mujye mukorera byose guhimbaza Imana." (1 Abakorinto 10:31). Mu Rwandiko rwa mbere rw'Abakorinto 8-11 hasoza ikiganiro cyerekeranye n'ubusambanyi (kivugwa mu gice cya 5-6), kandi hagatangiza ibisubizo Pawulo yatanze ku bibazo byabajijwe muri urwo rwandiko (1 Abakorinto 7:1) bibajijwe n'Abakorinto. Ibyo bisubizo ni byo byiganje mu mugabane usigaye w'urwa 1 Abakorinto. Imiterere y'uguhererekanya kw'ibivugwa mu rwa 1 Abakorinto 7, igaragaza ko ubusambanyi (igice cya 5-7) no gusenga ibishushyanyo (igice cya 8) ari ingingo zifitanye isano. Mu by'ukuri, izo ngingo zombi zikunze kuvugirwa hamwe mu Isezerano Rishya (soma Ibyakozwe n'Intumwa 15:20, 29; Ibyakozwe n'Intumwa 21:25; 1 Abakorinto 6:9; Abefeso 5:5: Abakolosayi 3:5; Ibyahishuwe 21:8; Ibyahishuwe 22:15). Muri rusange, mu gihe mu 1 Abakorinto 5-7 Pawulo ahanganye n'ikibazo cy'ubusambanyi, mu 1 Abakorinto 8-10 ikibazo cy'ingenzi ahanganye na cyo ni ikibazo cyo gusenga ibishushanyo. Avuga ko Abakristo bakwiriye kuzibukira ibyo byombi (1 Abakorinto 6:18, 1 Abakorinto 10:14). Mu cyumweru gishize, twabonye yuko kubwo kuba urusengero rwa Mwuka Wera (1 Akorinto 6.19, 20), umuntu ashobora kuzibukira ubusambanyi. Muri iki cyumweru, tuzabona ko umuntu ashobora kuzibukira gusenga ibishushanyo binyuze mu "gukorera byose guhimbaza Imana" (1 Abakorinto 10:31).