त्या बदमाशांमुळे आमचे काम अवघड |प्रा.डॉ.दीपक पवार | Dipak Pawar |

आपण सगळेचजण आपापल्या मुलांच्या शिक्षणाप्रती कमालीचे आग्रही आहोत.. त्यांना उत्तम शिक्षण मिळावं हा माझ्यासकट सगळ्यांच पालकांचा अट्टाहास आहे... पण मग 'उत्तम शिक्षण म्हणजे इंग्रजी माध्यमातील शिक्षणच का?' या प्रश्नच उत्तर मात्र कुणाला देता येत नाही.. जवळपास सगळ्याच मानसशास्त्रज्ञांनी प्राथमिक शिक्षण हे मातृभाषेतूनच असायला हवे हे सांगितलं आहे, पण त्यांना कुठे काही कळतंय ... ? कळत ते फक्त आम्हाला... कारण आमची मुलं आजच्या जीवघेण्या स्पर्धेत टिकायला हवीत इतकचं तर म्हणणं आहे आम्हा पालकांचं... मग भले त्यातून आमच्या मुलांच्या भाषेचा गोंधळ होवो किंवा या भाषेच्या गोंधळातून त्यांचा स्वतःबद्दलचा आत्मविश्वासच संपून जावो... वैयक्तिक मी एक आई म्हणून , पालक म्हणून या त्रासातून गेली आहे... माझ्या या गोंधळलेल्या मानसिकतेला योग्य दिशा दिली ती प्रा डॉ दीपक पवार सर यांनी... पण सरांचा हा मराठी भाषेचा, मराठी शाळांसाठीचा प्रवास अजिबातच सोप्पा नाहीये. इथे महाराष्ट्रात जिथे आपली मातृभाषाच मराठी आहे तिथेच मातृभाषेसाठी सरांना संघर्ष करावा लागतोय. मराठी शाळाच बंद होत आहेत किंवा जाणीवपूर्वक बंद केल्या जात आहेत. या सरकारी मराठी शाळा बंद होण्याने एका पिढीचं आणि पर्यायाने संपूर्ण समाजाचं नुकसान होतं आहे. पण त्याची पडली कुणाला... ? दीपक सर मात्र लढताहेत... सोबत काही लोक आहेत देखील... पण आपल्या सगळ्यांचीच साथ त्यांना हवीय... त्यांना साथ देऊया आणि आपली मराठी भाषा अन् मराठी शाळा वाचवूया... याच मराठी भाषा आणि मराठी शाळेच्या अनुषंगाने आपल्या चित्रांगणवर दीपक पवार सरांसोबत झालेल्या मनमोकळ्या आणि दिशादर्शक गप्पा नक्की ऐका... मला खात्री आहे ही मुलाखत ऐकून तुमची देखील दृष्टी स्वच्छ होईल आणि माझ्याप्रमाणेच आपण देखील इंग्रजी माध्यमात शिकणार आपलं मूल जाणीवपूर्वक मराठी माध्यमाच्या शाळेत घालाल... तेव्हा चित्रांगण वरील हा संवाद नक्की ऐका आणि कसा वाटला ते आम्हाला कॉमेंट करून नक्की सांगा... #Chitrrangan #marathiinterview #deepak pawar