Tələbələr magistraturadan niyə qaçır? | “Oxumağı yox, bunu seçirlər ki...”

Tələbələr magistraturadan niyə qaçır? | “Oxumağı yox, bunu seçirlər ki...” Dövlət İmtahan Mərkəzinin açıqlamasına görə, magistraturada boş qalan 3700 yerə cəmi 1418 nəfər müraciət edib. Onlardan yalnız 617 nəfəri qəbul olunub. Dövlət sifarişi üzrə ayrılan 1200 yerin isə cəmi 96-sı dolub, nəticədə 1104 ödənişsiz yer boş qalıb. Məsələ ilə bağlı millət vəkili Ceyhun Məmmədov bildirib ki, gənclərin bir qismi magistratura təhsili üçün xarici ölkələrə üz tutur, digərləri isə bu pilləni cəlbedici görmür: “Bu gün bakalavr təhsili alanla magistr təhsili alan arasında iş məsələsində heç bir fərq yoxdur. Magistratura təhsilinin tam oturuşmaması və sistemli xarakter almaması da marağın azalmasına təsir edir”. Təhsil eksperti Kamran Əsədov isə səbəblərdən birini Dövlət İmtahan Mərkəzinin xidmət haqqının artmasında görür: “Əvvəlki illərdə daha çox şəxs magistra qəbul olmaq istəyirdi. İndi isə hər imtahana görə 50 manatdan çox xidmət haqqı ödənildiyinə görə maraq azalıb. Digər tərəfdən, Azərbaycanda magistr pilləsində keyfiyyətli kadr hazırlığı həyata keçirilmir. Magistr pilləsində keçirilən dərslər bakalavrın təkrarıdır”. Dünya təcrübəsinə nəzər saldıqda, bir çox ölkələrdə bakalavr təhsili ali təhsilin sadəcə başlanğıcıdır. Azərbaycanda isə əksəriyyət bakalavr təhsili ilə kifayətlənir, ya da təhsillərini xaricdə almağı üstün tuturlar. Bunun əsas səbəblərindən biri kimi təhsil sistemindəki boşluqlar göstərilir. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv Tələbələr magistraturadan niyə qaçır? | “Oxumağı yox, bunu seçirlər ki...” 2025 © All Rights Reserved ℗ "Baku TV" LLC ™ #bakutv #magistratura #tələbələr #təhsil #universitet