Evindən oğurlanan qızılları axtarırdı, köynəyini başqasının əynində tapdı - Güllələnən dosent oğlu

1998-ci il, avqust ayının 7-si. Gəncə şəhəri. Gəncəlilərin Xaraba yer dediyi, Ağac Emalı Zavodunun yaxınlığındakı torpaq yolda hər kəsin diqqətini çəkən bir avtomobil dayanıb. Bu avtomobil dayanmadan əvvəl ondan uzun bir əyləc səsi çıxmışdı. Yaxınlıqda işləyən qadınların eşitdiyi yalnız bu səs idi, bunun ardınca da uzaqda duran maşından iki nəfər düşüb uzaqlaşmışdı. Qadınlar da yekdil belə düşünmüşdülər ki, yəqin maşın xarab oldu, bu iki nəfər də getdi usta dalınca... Lakin saatlar keçir, nə uta gəlir, nə də maşından düşənlər geri qayıdır. Maşın xarici markadır. Şəhərdə onsuz da tək-tük olan belə maşınların saatlarla yol kənarında kimsəsiz qalması şübhə doğurur. Pəncərədən içəri boylananlar dəhşətli bir mənzərə ilə qarşılaşırlar. Sükan arxasında bir kişi var... Hərəkətsiz, başı yana düşmüş vəziyyətdə. Bu, Gəncə sakini İlqar Ələsgərov idi. Gəncədə nüfuz sahibi olan Kənd Təsərrüfatı Akademiyasının dosenti Xankişi Ələsgərovun oğlu idi. Bu arada onu da deyək ki, bu hadisədən 3 il sonra başqa bir cinayətkar dəstə Xankişi müəllimi və digər oğlu, ruhi xəstə olan Yaşar Ələsgərovu evində bıçaqlayaraq öldürür... Biz isə hazırda sizə bu hadisədən 3 il əvvəl yolun kənarında, öz maşınında bir güllə ilə öldürülən İlqar Ələsgərovun qətlindən danışırıq. Güllə onun düz başının arxasından vurulmuşdu. Yaxın məsafədən, peşəkarca və amansızcasına. Həmin vaxt prokurorluğun müstəntiqi vəzifəsində çalışan Munis Abuzərli hadisə yerinə gəlir. İlqarın nə düşməni var, nə də qaranlıq əlaqələri. Maşının içində heç bir boğuşma izi yoxdur, şüşələr qırılmayıb. Qatil guya göydən düşüb, onu vurub və yox olub. Amma bir detal ekspertlərin gözündən qaçmır: İlqarın varlı adam olduğu bəlli idi, amma onun nə boynundakı qızıl zənciri, nə də barmağındakı brilyant üzüyü yerində deyildi. Bu, sadə bir qarət idimi, yoxsa qatilin diqqət yayındırmaq oyunu? İstintaq ilk günlər dalana dirənir. Əldə heç bir ipucu yoxdur. Ta ki, müstəntiq İlqarın keçmişini, cəmi bir neçə ay əvvəl ailəsinin başına gələn sirli bir hadisəni araşdırmağa başlayana qədər... #cinayətişi #realhadisə #detektiv #qətl #oğurluq #istintaq #kriminal #gəncə #ilqarələsgərov #ağköynək #makarov #barmaqizi #daktiloskopiya #polis #ömürlükhəbs #mükəmməlcinayətyoxdur #kriminalaz #azərbaycan #gəncəhadisələri #detektivhekayə #cinayətarxiv #hadisə #xankişiələsgərov #munisabuzərli #tv11 #kriminalverilis #serdaramin #sərdaramin