དགའ་ལྡན་ལྔ་མཆོད་དང་རྗེ་ཙོང་ཁ་པའི་རྣམ་ཐར། Gaden Ngachoe and Lama Tsongkhapa

You can read this རྗེ་བླ་མའི་རྣམ་ཐར་སྡོམ་ཚིག ———— བེ་རི་རྒྱལ་སྲས། གཅིག་གསུམ་ང་བདུན་ལོ་ལ་སྐུ་འབུམ་དུ།། ཀླུ་འབུམ་དགེ་དང་ཤིང་མོའི་སྲས་སུ་འཁྲུངས།། དགུང་ལོ་གསུམ་ལ་ཀརྨ་རོལ་རྡོའི་དྲུང་།། དགེ་བསྙེན་བསྒྲུབས་ཤིང་ཀུན་དགའ་སྙིང་པོ་གསོལ།། བྱིས་པའི་དུས་ནས་ཆོས་རྗེ་དོན་རིན་གྱིས།། བསྐྱངས་ཤིང་གསང་མཚན་དོན་ཡོད་རྡོ་རྗེ་གསོལ།། དགུང་ལོ་བདུན་ལ་ཆོས་རྗེ་དོན་རིན་དྲུང་།། དགེ་ཚུལ་བསྒྲུབས་ཤིང་བློ་བཟང་གྲགས་པ་གསོལ།། བཅུ་དྲུག་ལོ་ལ་བཀའ་བཞིན་དབུས་སུ་ཕེབས།། དགུང་ལོ་བཅུ་བདུན་འབྲི་གུང་གདན་སར་ཞུགས།། སྤྱན་སྔ་གྲགས་བྱང་དྲུང་ནས་སེམས་བསྐྱེད་ཞུས།། བླ་མ་གཙོ་བོ་བཞི་ཀས་ཕར་ཕྱིན་གསན།། དབུ་ཕར་ཚད་སོགས་ཕལ་ཆེར་རེ་འདའ་ལས།། གསན་པས་འགྲན་ཟླ་མེད་པའི་བླ་མར་བཟུང་།། བཅུ་དགུ་ལོ་ནས་གྲ་སྐོར་སྙན་གྲཌ་འབར།། ཉེ་བཞིར་? ཚུལ་ཁྲིམས་ལས་ནི་བསྙེན་རྫོཌ་བླངས།། སོ་གཅིག་ཚལ་དུ་ལེཌ་བཤད་གསེར་ཕྲེང་མཛད།། མོན་མཁར་གཞུང་ཆེན་བཅུ་བདུན་གསུངས་པས་གྲཌ།། སོ་གཅིག་ལོ་ལ་རྫིང་ཕྱི་ཉམས་གསོ་མཛད།། དགུང་ལོ་བཞི་བཅུར་གཉལ་ལུང་ཆེན་མོ་གསུངས།། བཀའ་བཞིན་འོལ་ཁར་སྒྲིབ་སྦྱོང་རབ་མཛད་པས།། ཞེ་གཅིག་ལོ་ལ་ལྟ་བ་རྙེད་ཚུལ་བསྟན།། དེ་མ་ཐག་ཏུ་རྟེན་འབྲེལ་བསྟོད་པ་མཛད།། དགུང་ལོ་ཞེ་ལྔར་ལམ་རིམ་ཆེན་མོ་དང་།། ཞེ་དྲུག་ལོ་ལ་རྩ་ལྟུང་རྣམ་བཤད་དང་།། དགུང་ལོ་ཞེ་དགུར་སྔགས་རིམ་ཆེན་མོ་མཛད།། ལྔ་བཅུ་ལོ་ལ་ལེགས་བཤད་སྙིང་པོ་དང་།། ང་གཅིག་ལོ་ལ་རྩ་ཤེ་ཊིཀ་ཆེན་མཛད།། ང་གསུམ་ལོ་ལ་སྨོན་ལམ་ཆེན་མོ་བཙུགས།། ང་བཞིར་འགོག་རིར་དགའ་ལྡན་དགོན་ཆེན་བཏབ།། ཁྱུང་ལྷའི་དྲུང་ནས་བླ་མེད་བཀའ་ལུང་ཞུས།། ང་ལྔའི་ལོ་ན་རིམ་ལྔ་གསལ་སྒྲོན་དང་།། རིམ་ལྔ་གདན་རྫོགས་ཁྲིད་ཡིག་རྫོགས་པར་མཛད།། དགུང་ལོ་ང་དགུར་སྟག་རྩེ་སྒྲུབ་མཆོད་བཏོད།། ང་དགུ་ལོ་དེར་ལམ་རིམ་འབྲིང་པོ་དང་།། རེ་གཉིས་དགའ་ལྡན་དགོངས་པ་རབ་གསལ་མཛད།། རེ་གསུམ་སྔ་དྲོར་དགའ་ལྡན་གནས་སུ་གཤེགས།། རྗེ་བཙུན་བླ་མའི་རྣམ་ཐར་རྗེས་ཞུགས་ཏེ།། བདག་རྒྱུད་ཆོས་ཀྱིས་ཟིན་པར་བྱིན་གྱིས་རློབས།།