قاری سهیل احمد رحمه الله کی تعزیت ان سے متعلق اعلی صفات و عاجزی اور فن تجوید و قرأت میں عظیم کارنامہ

انا للہ وانا الیہ راجعون مولانا قاری محمد سہیل صاحب کلکیری استاذ تجوید و قرأت معہد العلوم الاسلامیہ پلمنیر ضلع چتور آندھراپردیش کا مدرسے کے قریب ایکسیڈنٹ میں انتقال ہوگیا ہے موصوف ٹو وہیلر (موٹر سائیکل ) پر سوار تھے سامنے سے آرہی بس کی ٹکر سے موقع پر ہی موت واقع ہو گئی ہے یہ واقعہ آج بہ روز پیر بعد نماز ظہر پیش آیا موصوف کی فراغت عالمیت سے معہد العلوم الاسلامیہ پلمنیر سے ہے دورہ حدیث شریف سے فراغت کے بعد دارالعلوم دیوبند عربی حفص میں داخلہ لیا اور دو سال میں قراءات سبعہ وعشرہ کی تکمیل ہندوستان کے مشہور ومعروف قاری عبد الرؤف صاحب بلند شہری کے پاس کی اب موصوف گزشتہ کئی برسوں سے اپنی مادر علمی معہد العلوم الاسلامیہ پلمنیر میں تجوید و قرأت کی خدمات انجام دے رہے تھے موصوف فن تجوید و قرأت کے مایہ ناز استاذ تھے مقامات کے ماہر تھے موصوف نےقاری مسعود احمد مظاہری فلاحی سے زمانۂ طالب علمی میں مشق کی ہے موصوف جواں عمر تھے پیچھے تین بیٹیاں اور ایک بیوی ہے اللہ تعالیٰ مغفرت فرمائے درجات بلند فرمائے پس ماندگان کو صبر جمیل عطا فرمائے آمین اللھم آمین 22/شوال المکرم 1446ھ مطابق 21/اپریل 2025ء بہ روز پیر قاری صاحب کی تلاوت کی پلے لسٹ 👇    • Qari Suhail Ahmad Qasmi