Top Channel/ 10.2 milionë turistë, vijnë jo vetëm gjatë stinës së pushimeve në Shqipëri

Nga bregdeti tek malet, nga qytetet historike tek zonat rurale, Shqipëria ka pritur 10.2 milionë turistë të huaj gjatë nëntë muajve të parë të vitit. Të dhënat e Institutit të Statistikave tregojnë një rritje prej 5.2% krahasuar me të njëjtën periudhë të një viti më parë. Jo më vetëm një destinacion i verës, vendi po tërheq gjithnjë e më shumë vizitorë edhe gjatë muajve të tjerë të vitit. Përveç gushtit, edhe shtatori ka qenë një muaj i fortë për turizmin, me rreth 1.26 milionë hyrje, që përfaqësojnë një rritje prej gati 10%. 95% e vizitorëve vijnë nga Evropa, ku Evropa Jugore zë 69% të totalit, e ndjekur nga Evropa Perëndimore me 12% dhe Evropa Qendrore e Lindore me 11%. Përveç pushimeve, të huajt po e vizitojnë gjithnjë e më shumë Shqipërinë edhe për arsye biznesi. Sipas statistikave, 98% e hyrjeve janë për qëllime personale, pushime, vizita familjare apo udhëtime turistike ndërsa udhëtimet për qëllime biznesi dhe profesionale janë rritur me 15.3% krahasuar me një vit më parë. Ndërkohë, edhe lëvizjet e shqiptarëve jashtë vendit kanë njohur rritje. Në nëntë muajt e parë të vitit, mbi 6.5 milionë shtetas shqiptarë kanë udhëtuar drejt vendeve të rajonit, Evropës dhe më gjerë. Vetëm në shtator, janë regjistruar rreth 772 mijë dalje nga vendi, duke dëshmuar për një dinamikë të lartë të udhëtimeve. Në fund të sezonit të nëntëmujorit, Shqipëria po e konsolidon gjithnjë e më shumë pozicionin e saj si një destinacion turistik që nuk njeh stinë. Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Turizmi#Shqiperi#TopChannelNews