မြေပဲလှော်ရတာခက်လား ? Is roasting peanut difficult?

မြေပဲလှော်ရတာခက်လား ? Is roasting peanut difficult? အရင်က မြေပဲလှော်ရတာ ခက်တယ်ထင်လို့ မလှော်ဖြစ်ဖူး။ ဒီနေ့တော့ ပဲစောင်းလျားသီးသုပ်စားဖို့ မြေပဲလှော်ပြီးသားမရှိတာနဲ့ စမ်းလှော်ကြည့်တာပါ။ ချီလီလို မြေပဲမလှော်တတ်တဲ့သူတွေ လှော်ရလွယ်အောင် စလှော်ထဲက timer ချိန်ထားပါတယ်။ ခန့်မှန်းခြေ ၂၀မိနစ်ကျော်လောက်အချိန်ပေးရပါတယ်။ အရင်ဆုံး မြေပဲကို ရေဆေးပြီး စစ်ထားပါ။ အိုးထဲ ဖြန့်ထည့်ပြီး မီးပြင်းပြင်းနဲ့ ရေခြာက်သည်ထိလှော်ပါ။ ရေခြောက်ရင် ဆားဖြူး၊ မီးအလယ်အလတ်လျှော့ပြီး ဆက်လှော်ပေးပါ။ တောက်လျောက်တော့ မွှေပေးရပါတယ်။ ဒါမှ အပူထိတာညီပြီး အကျက်ညီတာပါ။ အခွံလေးတွေစမည်း ာပါမယ်။ မစိုးရိမ်ပါနဲ့ မကျက်သေးပါဖူး။ ဆက်လှော်ပါ။ ၁၅မိနစ်လောက်ရှိပြီဆို ဖောက်ဖောက်ဖောက် အသံလေးတွေ ပလုံစီလာပါတယ်။ အသံလေးတွေ ငြိမ်လောက်သည်ထိ ဆက်လှော်ပါတယ်။ တစ်လုံးလောက်မြည်းကြည့်ပါ။အရမ်းပူတယ်နော် ၊သတိထားပါ။ အပေါ်ယံကြွပ်ပေမယ့် အတွင်းက ပျော့နေပါသေးတယ်။ မစိုးရိမ်ပါနဲ့ ၊ မိနစ် ၂၀လောက်ရှိပြီမလို့ မီးပိတ်ပြီး အိုးက အပူရှိန်နဲ့ ဆက်တင်ထားပါ။ မြေပဲတွေအေးလောက်ရက် မြည်းကြည့်ပါ။ အတွင်းကလည်း ကြွပ်လာတာကိုတွေ့ရပါမယ်။ အခွံချွတ်ဖို့ကတော့ လက်နဲ့ ဖိမွှေရုံပါပဲ။ အခွံတွေဖယ်ဖို့ကတော့ စကောနဲ့ပြာတုန်း အ‌ေ‌ပါ်ကို တက်လာတဲ့ အခွံလေးတွေကို လေနဲ့မှုတ်ထုတ်ပစ်ပါ။ ခဏလေးပဲနော်။ ချီလီတို့ကတော့ စကောနဲ့မပြာတတ်ဖူး။ ဒါကြောင့် အမေပြာပေးထားတာပါ 😁 မြေပဲလှော်ကို ကြာရှည်ခံအောင် zip အိတ်နဲ့စသိမ်းပါတယ်။ ပုလင်းနဲ့ သိမ်းတဲ့အခါ လေမလုံရင် ပျော့တတ်လို့ပါ။ #မြေပဲလှော် #မြေပဲဆားလှော် #မြေပဲ #peanuts #roastedpeanuts #howtoroastpeanut #peanut #foryou #fyp #chillifavfood #cookingwithme #cooking #easyrecipes #recipe