Dëshmi/ Klora Merlika: Ju tregoj për Turanin, ku vdiqën 25 fëmijë brenda natës

Një e mbijetuar 88 vjeçare, Klora Merlika, bashkëshortja e Fatos Merlikës, djalit të ish-kryeministrit Mustafa Merlika, ishte 10 vjeç kur u internua nga Shkodra me familjen në vitin 1945. Babai i saj ishte pjesëmarrës në rezistencën e armatosur kundër regjimit komunist në Mirditë. Fillimisht u dërguan në kampin e Beratit dhe më pas në atë të Turanit në Tepelenë. Ajo rrëfen për Zërin e Amerikës kushtet çnjerëzore aty, ku njerëzit vdisnin nga uria dhe mungesa e shërbimeve mjekësore. “ Turani, ka qenë i tmerrshëm. Brenda 24 orëve kanë vdekur 25 fëmijë nga dizanteria. Varret e fëmijëve kanë humbur. Më kujtohet një nënë që shkoi i mori eshtrat fëmijës së saj, dhe i mbante poshtë jastëkut. Tre herë është varrosur gjyshja ime. Për herë të tretë e varrosën në breg të Bënçës"- tregon ajo. Klora kujton Kengen e Vajit te grave ne kampin e Tepelenes, krijuar nga Gjovalin Vasia. "O ju male që m'rrethoni! Në k'të vend të shkret' pse m'keni prue? Çfar' ju bona...s'diftoni... me tel xhamash m'keni rrethue... Mbiu bora, kur mos raftë... në blerim mos u dukshi ma tek ju dielli...kur mos raftë si shkretin kam me ju pa.... Bënça vjen valë-valë, varret tona i ka marrë S’të erdhi keq, s’pate mëshirë, varret më kush nuk i di Gjithë në Vjosë na i çove ti..." Intervistoi; Mimoza Picari -Lexoni me shume ne website ➡️ https://kujto.al/ Na ndiqni ne facebook ➡️   / kujto.al.krimetekomunizmit   -Ne instagram➡️   / kujto.al   Ne Twitter ➡️   / kujtoal