Klash (Lyrics) كلاش - رسالة إلى الغالي

كلاش - رسالة إلى الغالي الكلمات: (البارت الاول) هذي الرسالة عارف انها ماراح تكون مسموعه لصاحب الشان اللي كنت انا انتظر رجوعه على أمل اخفف من الام روحي الموجوعه لو جا قدر الله.. محد يقدر يرد وقوعه امنت بالله.. وبالوالدين احسان قبل التحية اخترتها لسطوري عنوان سلام يا والد.. كيف حالك؟ عساك شفت النعيم؟ ما نسيتك كل يوم ادعي لك في النعيم تقيم تسأل عن حالي؟ طيب .. بس شينه فقدتك امي تحكيني عنك زادت في قلبي محبتك كانو يقولوا لي انك مسافر .. طويلة رحلتك عشان انام وانا صغير .. كنت اشم مخدتك واتأمل صورتك وجوارحك في الزحام اطالع في وجوه الناس اقارنها بملامحك على امل اني اصادفك في اي تاره واجيبك البيت معي وازف لاهلي البشارة كان لما يدق جرس الدار.. اجري واسوي لويه اسابق اخواني في بالي اقول ممكن يطلع ابويه ههه هذي احلام الاطفال ظحكت يا غالي.. ولدك كان واسع الخيال (الكورس) الغالي الي نحبه والجناه اللي محتوينا جنبه الامان لنا في قربه مكانا قلبه.. الله يحفظك يا بابا ابتي لله دره .. عسى ربي يطولنا في عمره تاج الراس كيف مانبره ما نخالف امره الله يحفظك يا بابا (البارت الثاني) اول يوم في الدراسة .. اولى ابتدائي في ظهري شنطتي وامي لبستني ردائي على باب المدرسة كان هناك معلمين ابن يقبل اليدين واب يقبل الجبين ابشرك صرت افك الخط و اعرف الالف باء علموني ديني و التوحيد و عندي اصدقاء بس اللي كنت ما احبه و اعتبره منهم غباء لما يطلبوا مني حضورك مجلس الاباء ما علينا.. خلصت الدراسة و اخذت الشهاده فرحت امي فيني واخوتي غمرتهم السعاده شقيت طريقي وحدي كنت اصارع الامواج امي علمتني في الدنيا غير الله لا تحتاج خيرك سابق ومغطينا .. حتى و انت تحت الارض بس لابد اكد بنفسي امان من اي قرض اشتغلت في اربع وظايف بدال الوظيفة رواتب قليلة .. وانا عاليه عندي السقيفه نجحت في مجالي اصبحت جده تعرفني صار ليا صيت.. وناس تحبني وتدعمني ولو ان اعدائي كثار .. يتمنوا لي الرداءه لاتخاف عليا .. ولدك كاسر عيون اعدائه (الكورس) الغالي الي نحبه والجناه اللي محتوينا جنبه الامان لنا في قربه مكانا قلبه.. الله يحفظك يا بابا ابتي لله دره .. عسى ربي يطولنا في عمره تاج الراس كيف مانبره ما نخالف امره الله يحفظك يا بابا (البارت الثالث) ما طولت معايه.. بس لك في بالي ذكريات تخصني معاك .. ما انساها حتى الممات كأنها ومضات, تمر في بالي وتروح لكنها رغم الضبابية تسعد لي الروح اسال عنك المعارف.. بالطيب يذكروك يذكرون ادق تفاصيلك لليوم ما ينسوك اسمع من الاقارب و اصحابك اللي يحبوك انت اكثر واحد من بين اخوانك تشبه ابوك يالا فخري العضيم .. لما اسمع ذي العباره ماهي فقط تشريف.. هي لي تكليف و جداره بقدر الاستطاعه اني امشي على خطاك انت خليت كل من عاشرك يدعي لمن رباك واذا انجمعوا الناس ليوم شهق الانفاس اسأل الله ان تكون مرفوع الهامه والراس ابيض الوجه تنزف للجنه زف الاعراس سندس اللبوس .. على الارائك جلاس وانا بسعى في الدنيا ان اعمل الصالح الزين واصبر فيها, على قسوة البعد والبين عسى يشفع لي عند الله .. محمد النبي وعند حوضه يا أبي أشوفك شوفه العين (الكورس) الغالي الي نحبه والجناه اللي محتوينا جنبه الامان لنا في قربه مكانا قلبه.. الله يحفظك يا بابا ابتي لله دره .. عسى ربي يطولنا في عمره تاج الراس كيف مانبره ما نخالف امره الله يحفظك يا بابا My insta:   / 187.lyrics   Klash:   / klash_jeddah