Rama në Podgorie gjatë turit “Dialog me Shqipërinë” në Qarkun e Korçës - (15 Qershor 2008)

Lajme arkiva 2008 Të ndërtojmë së bashku një program të ri që duhet të jetë një instrument qeverisës i hartuar nga vetë shqiptarët. Me këtë thirrje u është drejtuar kreu i Partisë Socialiste banorëve të fshatit Podgorie, gjatë turit të ndërmarrë në rajonin e Korçës. Sipas tij sugjerimet e atyre që jetojnë çdo ditë me tokën janë mjaft të rëndësishme për programin e ri të socialistëve. Edi Rama: “Shqipëria zvarritet. Zvarritet duke e parë Europën përditë e më larg ndërkohë që çdo ditë dëgjon fjalime për Integrimin Europian, për Bashkimin Europian, për mirëqenien europiane. Ne duam që këto fjalë t’i kthejmë në vepra, ne duam që këto dëshira t’i kthejmë në realitete për njerëzit tanë”. Rama u shpreh se qytetarët e politikanë duhet të bëhen bashkë dhe të lënë mënjanë paragjykimet në mënyrë që të marrin realisht zgjidhja halleve të qytetarëve. Edi Rama: “Që të gjithë banorët e këtij fshati, ashtu si banorët e të gjithë fshatrave të Shqipërisë, njerëzit e thjeshtë dhe të ndershëm që duan të jetojnë me punë të ndershme, përpara se të jenë socialistë e demokrat apo çfarë do qoftë, janë njerëz që meritojnë të jetojnë me dinjitet dhe që kanë të njëjtin hall. Hallin që lidhet me punën, me tokën dhe me mirërritjen e fëmijëve”. Bashkëbisedimi me banorët e fshatit Podgorie, ishte dhe takimi i fundit i zhvilluar për qarkun e Korçës, ku në harkun e disa ditëve u zhvilluan dialogje për bujqësinë në mbi 10 fshatra të këtij qarku./tvklan.al Gazetare: Daniela Zisi SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/