Hajdutet sulmojne fshatin ne Rrile te Lezhes | ABC News Albania

Në fshatin Rrilë të Lezhës banorët denoncojne se hajdutet po i vjedhin bagetite dhe shtepite cdo nate. Ata i kërkojnë policisë të marrë situatën nën kontroll pasi situata është e rëndë. Në këtë fshat banorët thonë se hajdutet po bëjnë batërdinë. “Raste të vjedhjes ka thuajse çdo natë”  Sulmi më i fundit në Rrilë të Lezhës ndodhi familjen e Ndue Karaçit.  Kur ai shkoi në stalle nuk gjeti asnjë nga kafshët që rriste. Hajdutët fillimisht i kanë helmuar qenin dhe me pas i morën shpendët, derrin dhe pesë delet. Karaçi dyshon se hajdutët duhet të mbështeten nga ndonjë punonjës policie, pasi në fshat çdo natë ka vjedhje dhe grabitje. Ndue Karaçi banore i Rrilës: “Në lagje ndodhin një herë në dy ditë. Policia nuki merr asnjë masë. Për mua është në bashkëpunim” Që hajdutët janë ulur ngeshëm në këtë zonë e thonë edhe banorët e tjerë. Ata janë të shqetësuar dhe i kërkojnë ndihmë policisë për të marrë situatën në kontroll. Pjeter Matrizi: “Në zonën tonë vidhen shumë bagëti dhe vjedhje të papame”.  Arben Paluca: “Brenda dy javëve në fshtinë rile janë bërë mbi 15 vjedhje”. Ardian Kola: “I kam parë me sytë e mi duke gjujt hajdutat familjarët, janë liru dhe kanë dalë jashtë pas një muaji”. Pas denoncimeve publike të banorëve të Rrilës, ABC News u interesua edhe në Drejtorinë  Vendore të Policisë së Lezhës. Një zyrtar i lartë i policisë tha se për çdo rast është vepruar në përputhje me ligjin. Dhe policia fton qytetarët të denoncojnë, jo vetëm ngjarjet, por edhe punonjësit e policisë të implikuar në to. /abcnews.al