MP TOMANDA ANTOK, PINURI ANG PAGKAKAISA NG IRANUN CORRIDOR SA MASS OATH-TAKING NG MGA BARANGAY

BFP PRESIDENT MP TOMANDA ANTOK, PINURI ANG PAGKAKAISA NG IRANUN CORRIDOR SA MASS OATH-TAKING NG MGA BARANGAY OPISYAL! PINURI ni MP Tomanda Antok, BFP Party President ang ipinakitang pagkakaisa ng mga lider ng Iranun Corridor kasunod ng matagumpay na mass oath-taking ng mga barangay chairman at municipal councilors na sumapi sa Bangsamoro Federalist Party (BFP). Nagpahayag ng pasasalamat si Antok sa apat na alkalde ng Iranun Corridor sa matagumpay na pagho-host ng naturang aktibidad na dinaluhan ng mga bagong miyembro ng partido mula sa apat na munisipalidad ng Iranun Corridor. Ayon kay Antok, mahalagang hakbang ang naturang pagtitipon upang higit pang mapalawak ang adhikain ng BFP na pag-isahin ang Bangsamoro at mapabilis ang pagpapatupad ng mga programang pangkapayapaan, kaayusan, at kaunlaran sa buong Bangsamoro Autonomous Region in Muslim Mindanao (BARMM). Binigyang-diin din niya ang mahalagang papel ng mga barangay chairman bilang mga pangunahing katuwang sa paghahatid ng serbisyo sa komunidad, dahil sila ang higit na nakaaalam sa pangangailangan ng kanilang mga nasasakupan. Muli namang iginiit ni Antok na ang pagkakaisa ng mga lider at mamamayan ang susi sa pagtataguyod ng isang mas maunlad, mapayapa, at matatag na Bangsamoro. ulat ni | Kasangga Jomar #KasanggaJomar #KakampiKaRito #WataNaBangsamoro