Linda Griffiths - Cân Y Gân

Magwyd Linda ar fferm Penybryn rhwng pentrefi Pontrobert a Meifod yng Ngogledd Maldwyn. Erbyn hyn mae’n byw ar dyddyn ym mhentref Pen-bont Rhydybeddau ger Aberystwyth. Bu’n aelod o’r grŵp gwerin Plethyn, gyda’i brawd, Roy, a’i chymydog, Jac am flynyddoedd lawer. Bu’n perfformio fel cantores unigol ers blynyddoedd bellach, gyda’i thair merch, Lisa, Gwenno a Mari (Sorela) yn canu lleisiau cefndir iddi. Mae wedi rhyddhau 4 casgliad o ganeuon, sef Amser, Plant y Môr, Ôl ei Droed a Storm Nos. Cyfansoddodd nifer o alawon ar gyfer Plethyn yn y gorffennol, ac yn ystod y blynyddoedd diwethaf mae wedi cael blas ar gyfansoddi ei chaneuon ei hun. Mae wedi gweithio fel cyflwynydd radio a theledu yng Nghymru yn y gorffennol hefyd. Dyma hi’n perfformio ‘Cân y Gân’ Linda was a member of the folk group ‘Plethyn’ with her brother Roy and friend Jac for many years. She’s also been performing as a solo artist, along with her three daughters, Lisa, Gwenno and Mari (Sorela) as her backing singers. Linda performs ‘Cân y Gân’.