Nəvai kəndində yeni tibb məntəqəsi açıldı

Yaponiyanın Azərbaycandakı səfirliyi Hacıqabul rayonunun Nəvai kəndində yeni tibb məntəqəsi açdı Yaponiyanın "Ot kökləri və İnsan Təhlükəsizliyi Qrant Yardımı Proqramı" çərçivəsində Hacıqabul rayonunun Nəvahi kəndində həkim tibb məntəqəsi istifadəyə verilib. Layihənin əsas məqsədi Nəvahi kənd sakinlərinin tibbi xidmətə olan ehtiyacını ödəmək və tibbi xidmətin keyfiyyətini yaxşılaşdırmaqdır. Layihədən 5 mindən çox sakin faydalanacaq. Açılış mərasimində Hacıqabul rayon İcra Hakimiyyətinin başçısı Əhməd Muxtarov çıxış edərək iki ölkə arasında olan dostluq əlaqələrindən danışıb. Yaponiyanın Azərbaycandakı səfiri də Azərbaycana ayrılan humanitar yardımdan bəhs edib Bu vaxta qədər Hacıqabul rayonu üzrə hazırkı layihə də daxil olmaqla 3 layihə reallaşdırılıb. Layihə çərçivəsində Kürsülü kəndində məktəb və Abdulabad kəndində tibb məntəqəsi istifadəyə verilib. Yaponiyanın Azərbaycana ayırdığı rəsmi yardım kənd təsərrüfatı, sosial sahə, mədəniyyət və insan resurslarının inkişafı kimi geniş sahələri əhatə edir.