Paarkkum Vizhi Naan Unaku End Part |ramanichandran novels | rc novels |Tamil audio novels | RJ Suja

   • Paarkkum Vizhi Naan Unaku End Part |ramani...   தன் வேலைகளினூடே மாதவி, கால்பந்தாட்ட மைதானத்தில் விளையாடும் வீரர்கள், நடுவர்கள், ஸ்கோர் போர்டு எல்லாம் சர்க்கரையில் செய்து எடுத்து, வண்ணம் கொடுத்து எடுத்து காற்றுப் புகாத டப்பாவில் பத்திரப்படுத்தி வைத்தாள். அந்த சிறு உருவங்களின் அமைப்பைப் பார்த்துவிட்டு, “வீட்ல ஒரு கலையரசி இருக்கிறது எவ்வளவு வசதின்னு இப்பதான் தெரியுது!” என்று நகைத்தான் கணவன். ஆனால், எல்லாமே நகைப்பாக இல்லாமல், சிறு சிறு உரசல்களும் நேராமல் இல்லை. வேறுபாடுகளில் ஒன்று சுகிர்தா பற்றியது! இன்னமும் இரு முன்னணி நிறுவனங்களின் அலுவலகங்களில், மாதவி வரைந்த படங்களைப் பார்த்தது தனசேகரனுக்கு, அந்தப் படங்களை உருவாக்கிய மனைவி அவைகளுக்காக பெற்று வரும் தொகை மிகவும் குறைவானதாகத் தோன்றியது. அந்தப் பணம் பற்றி அவன் உரிமை காட்டியது கிடையாது என்றாலும், மாதவியின் உண்மையான உழைப்பு ஏமாற்றப்படுகிறதோ என்ற சந்தேகம் அவனுக்கு. அவன் படத்தைப் பார்த்த நிறுவனங்கள், சாதாரணமான, மலிவான பொருட்களைத் தேடிப் போகிறவர்கள் அல்ல! படங்களை ரசிப்பது போலக் காட்டிப் பேசி அங்கே விவரம் சேகரிக்க அவனுக்கு மனமில்லை. முன்போல எவனாவது மாதவி பற்றி தரக்குறைவாகப் பேசினால், இன்றைய மனநிலையில் அவனால் சகித்துக் கொள்ள முடியாது! எனவே, மாதவியையே உசுப்பிவிட முயற்சி செய்தான். வீட்டுப் பொறுப்புகளை விட்டுவிட்டு, ஓரளவு கணவனையும் புறக்கணித்து விட்டு, அவள் உழைக்கும் உழைப்புக்கு சரியான ஆதாயமாவது இருக்க வேண்டும் அல்லவா? “இத்தனை படம் வரைஞ்சுட்டே. உன் படங்களுக்கு நல்ல வரவேற்பு இருக்கு. படங்களுக்கு விலைய கொஞ்சம் அதிகமா வைக்கலாம்ல?” என்று ஒரு நாள் ஆழம் பார்த்தான். “அதெல்லாம் சுகிர்தா பாத்துப்பா!” என்றாள் மாதவி, அவனது உட்குறிப்பை கொஞ்சமும் கவனியாமல். “எனக்குப் புரியலயே! முதுகு வலிக்க பாடுபட்டு படம் வரையுறது நீதானே? விலைய அவ எப்படி முடிவு பண்றது?” புரியாதவன் போல பாவனை காட்டினான் அவன். #tamilaudionovels #tamilnovelsaudiobooks #tamilnovels #starnovels #ramanichandrannovels #ramanichandrantamilnovels #ramanichandranaudionovels #ramanichandrantamilnovelsaudiobooks #ramanichandrannovelsaudio