Barkat Virani 'Befam'

આ મંગળવારે યુટ્યુબ પર ગીત-ગઝલની મહેફિલ ‘બેફામ, તમને સો સો સલામ’ ________________________________________ જેવું સૌમ્ય, સાલસ અને સ્પર્શી જાય તેવું વ્યક્તિત્વ, એવી જ અનેક ગઝલોના સર્જક, સર્વપ્રિય શાયર-ગીતકાર બરકત વિરાણી ‘બેફામ’નું આ જન્મ શતાબ્દી વર્ષ છે. આ નિમિત્તે ભારતીય વિદ્યા ભવન કલા કેન્દ્ર દ્વારા ભવન ઑડિટોરિયમ ચોપાટીમાં એક અનૂઠો કાર્યક્રમ ‘બેફામ, તમને સો સો સલામ’ રજૂ થયો હતો. જેને દર્શકોનો અભૂતપૂર્વ પ્રતિસાદ પ્રાપ્ત થયો હતો. હવે આ જ કાર્યક્રમ મંગળવાર ૫ સપ્ટેમ્બર ૨૦૨૩ રાત્રે ૯ વાગે રજૂ થશે. જાણીતા ગઝલચાહક ડૉ. પ્રકાશ કોઠારી, ‘બેફામ’ તથા અન્ય શાયરોનાં સંભારણાં રજૂ કરશે. બરકત ભાઈની ચોટદાર ગઝલો તથા અતિલોકપ્રિય ગુજરાતી ફિલ્મ ગીતોની રજૂઆત કરશે લોકપ્રિય ગાયકો - રેખા ત્રિવેદી, ધ્વનિત જોશી, ભક્તિ આસાની તથા ઉદય મઝુમદાર અને હિન્દી ફિલ્મોના વિખ્યાત પાર્શ્વગાયક તેમજ ગુજરાતી ગઝલોના ભેખધારી કલાકાર મનહર ઉધાસ. સમગ્ર કાર્યક્રમની સંકલ્પના અને સંયોજન નિરંજન મહેતાનાં છે.