Musikalsk vandring frå gard til gard i Skåbu

Presentasjon av alle gardar og bruk i fjellbygda Skåbu i Gudbrandsdalen. Tonefølgje av song og musikk som er forfatta, komponert og framført av skåbyggingar. Skåbu har fleire songar og til denne har Halvor Veslum skrive teksta og Arne Risdal komponert melodien. Mari Midtli syng, Vegard Moshagen på piano og bass, Syver Haugli på gitar og Roger Slåstuen trakterer fela. Elles er det tre komposisjonar av legendariske Torger Iverstugun. Fyrst masurkaen "Skåburosa", der han sjølv spelar i eit privat opptak. Så er det polkaen "Helsing frå Skåbu" framført av Skåbu spelemannslag. Til slutt får vi høyre galoppen "Villmannen", spelt av ein annan storspelmann frå Skåbu, nemleg Roger Slåstuen.