10 mije euro shperblim per kapjen e turkut Faruk Ozer ne Shqiperi

Një gjueti e vërtetë mund të cilësohet përpjekja për kapjen e turkut Faruk Ozer, i akuzuar për mashtrim, i cili besohet se ndodhet i fshehur në vendin tonë. Gazetari Artan Hoxha, në studion e “Opinion” tha këtë të hënë se për kapjen e tij është vënë një shpërblim prej 10 mijë eurosh, ndërsa zbuloi gjithashtu se në Shqipëri kanë ardhur të paktën 4 agjentë turq që po bashkëpunojnë me autoritetet shqiptare. Operacioni për kapjen e Ozer është po ashtu një nga detyrat e para të Byrosë Kombëtare të Hetimit, e njohur ndryshe si FBI-ja shqiptare. “Është akoma në Shqipëri. Është kërkuar fillimisht në Tiranë, ka shkuar në Durrës, nga Durrësi në Vlorë. Ka një informacion tjetër për vendndodhjen e tij në Tiranë. Operacioni për kapjen e tij është në bashkëpunim me oficerë të policisë turke që kanë mbërritur në Shqipëri, janë të paktën 4 oficerë. Po ashtu është përfshirë Byroja kombëtare e Hetimit, e cila sapo ka nisur detyrën dhe një nga detyrat e para, pra FBI-ja shqiptare, është dhe kapja e këtij personi, bashkë me njësi të tjera të specializuar pranë Policisë së Shtetit”. Faruk Fatih Ozer është shpallur në kërkim ndërkombëtar nga autoritetet turke, pasi akuzohet për mashtrim në vlerën e 2 miliardë dollarëve me kriptomonedhën virtuale “Thodex”. #Opinion | Emision politik live nga #BlendiFevziu në #TvKlan Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë – e hënë, e martë, e mërkurë dhe takimi tradicional i të enjtes mbrëma. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/