عرضة مع الحمان ديري كيما درت و هني روحك، غيرت في بالكو بأقل شي، سفة مدفونة فلون طوندوس، غي بعجنة ...

عجينة الصابلي 250 غير زبدة، 100غ سكر قلاسي، 2 جيات بيض، 2 ملاعق مايزينة، قرصة ملح، كيس لافاني، قشور الليمون، كيس خميرة الحلوة، فرينة نجمع بيها حتى نتحصل على عجينة متماسكة، نقسمها على أربعة و كل وحدة نشكل منها طبع نطيبها على درجة 170° فقط الموردة نخليها على درجة 180 و نخليها تحمار جيدا حلوة الفرشيطة غطساها في الشوكولاته سوداء بدون زيد على جال السخانة حلوة الصابلي درتله مربى الفريزة و زدت عليه مركز عطر الفريز حلوة نواد كوكو خديت نواد كوكو و زدت عليه مركز عطر الليمون و الموز، غطست الحلوة في المربى المشمش و رملتها في النواد كوكو حلوة المشقة بالشوكولاته 2 بيض، 100 غ سكر أو نص كأس، 100غ زبدة دايبة أو زيت ربع كأس، رشة ملح، كيس لافاني، 2 ملاعق كبار كاكاو من النوع الجيد او ربع كأس، أخدت شوكولا سوداء و قطعتها قطع صغيرة و خلطت السوائل و ضفت النواشف الفرينة مع نص باكي خميرة الحلوة و تنشفوش العجينة لازم تجي طرية، حطوها في الثلاجة تشد روحها و شكلها كويرات و نرملها في السكر القلاسي نطيبها على درجة 180° غي 10 دقايق غي تتشقق نخرج. الفلون 50غ لوز مقلي، 4 حبات قاطو زبيكيلوز، نطحنهم جيدا، نزيد نحط 2 باكي فلون فاني، لافاني، او دوق الكراميل، نص لتر حليب، نخلط من جديد و نضيف نص لتر كريمة السائلة، نحط الكل في كاسرونة على النار قبل ما يبدأ في الغليان نحيه و نحطه مباشرة في مول يكون مدهون بقليل من الزيت و ندخل للثلاجة حتى يبرد جيدا صلصة الدجاج المدفون افخاد الدجاج نزعت الجلد ضفت 5 حبات بصل مقطع مربعات صغيرة، ملح، فلفل أسود، سكين جبير، كركم، زعفران، قرفة، قصبر مطحون، خليت الكل يتقلى على نار هادئة حتى يطيب الدجاج بدون ما ضففت اي قطرة ماء، و لا حتى زيت، إذا استعملتوا صدر الدجاج ضيفوا قليل من سمن. بعدما طاب الدجاج و صفيت المرق من العضم نضيف 2 ملاعق عسل طبيعي، و نخليها حتى تعقاد مليح.