Sali Berisha: Fatos Nano, fajtori i vrasjes se Azem Hajdarit (12 Shtator 2000)

Lajme Arkiva 2000 Sot në dy vjetorin e vrasjes së deputetit Azem Hajdari është kujtuar nga familjarë, kolegë, të njohur dhe simpatizantë të Partisë Demokratike. Kryetari i Partisë Demokratike Sali Berisha, ka vizituar shtëpinë e Hajdarit shoqëruar nga kryetarja Topalli dhe anëtarë të tjerë të Partisë Demokratike. Fizikisht nuk e kemi Azemin me ne është shprehur Berisha, por Azemi është bërë pjesë e guximit tonë pasi askush nuk ka punuar për demokracinë sa ai. Çdo ditë e më i shëmtuar bëhet ky film pasi drejtësia shqiptare hesht për vrasësit e vërtetë. Fatos Nano ka folur në telefon me Fatmir Haklajn në minutin e parë të ekzekutimit pasi Nano është projektuesi i vrasjes. Ndërsa ish ministri i Rendit Teta kishgtr njeriun e tij në drejtim të atentatit, ka akuzuar dhe sot kreu i Partisë Demokratike në dy vjetorin e vrasjes së studentit të dhjetorit Azem Hajdari. Berisha nuk ka nxjerrë asnjë nga emrat e atyre që kanë bërë të njohur fakte të tilla. Gazetarja: Doktor, ju keni deklaruar që Fatos Nano ka pasur të dhëna nga Fatmir Haklaj, ku i keni këto dëshmi? Sali Berisha: Këto dëshmi i dha sot ish ministri i Rendit Publik, por këto dëshmi i kanë dhënë dhe vrasës, anëtarë të grupit ekzekutor në hetuesi të ndryshme. Po sot janë bërë homazhe në varrin e liderit demokrat. Lule dhe qirinj janë vënë në vendin ku në mbrëmjen e 12 shtatorit të vitit 1998 u ekzekuzua Azem Hajdari dhe më pas familja Hajdari dhe familja Çera, drejtues dhe deputetë të Partisë Demokratike si dhe mjaft qytetarë të tjerë, kanë vendosur kurora dhe buqeta mbi varrin e Azem Hajdaritdhe truprojës së tij, Besim Çera./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/