Pevarlamm - Dianken (création Entan)

Extrait de la création "Entan" du groupe Pevarlamm Enregistrement live au Novomax - Quimper (29) - Novembre 2018 PEVARLAMM : Konogan an Habask : biniou, bombardes, uilleann-pipes & low whistles Elsa Corre : chant & percussions Gabriel Faure : violon & mandole Jérôme Kerihuel : batterie & percussions Thibault Niobé : guitare Erwan Volant : basse Konogan an Habask : auteur et compositeur Pevarlamm : arrangements Christophe Sizorn : son Youenn Chap & Kenan an Habask : images Production PAKER PROD DIANKEN (paroles) Ur vleunienn e-mesk ar c'hlazenn, livioù kaer a-dreuz an draoñienn, erruet eo an nevezhañv, an natur o vleuniañ. War skourr ur wezenn, ul lapous, a gan drant ur son flour voulouz, sur 'walc'h d'e gomper 'tal dezhañ, e galon a zo skañv ! Dibuniñ 'ra ar vuhez, evel-se 'mañ 'vit ar wech, bemdez 'sked war an dachenn, gant ma vo dianken ! Red ur wazh-dour e-traoñ ar prad, un nadoz-aer o nijellat, war glann ar red-dour treuzwelus en e naoz traezh lintrus. Dindan kef un dervenn 'red an dour, glas eo ar man ouzh he c'hef flour, ar brizhheol a dreuz an deil, fiñv-difiñv a bep eil. Dibuniñ 'ra ar vuhez, evel-se 'mañ 'vit ar wech, bemdez 'sked war an dachenn, gant ma vo dianken ! Birvilh a zo war an douar, kan an natur en he barr, setu deuet mare ar bleunioù lirzhin war ar maezioù. Uhel en oabl 'plav ur sparfell o vont gant an avel en dremmwel, bannoù tomm an heol skedus war an douar strujus. Dibuniñ 'ra ar vuhez, evel-se 'mañ 'vit ar wech, bemdez 'sked war an dachenn, gant ma vo dianken !