KUDU TE MA NGÒL A TARA NTONDOBE‎ (Psaume 50)

A/C: Jean Basile NGOA. TEXTES : Meyebe : Kudu te ma ngòl a Tara Ntondobe, dzu ma ebiandi ya makad wa bò, te wabebe abe dam, nge wa fudi mis abe mebò ya, mayi dzañ, a Tara Ntondobe. ‎« Ma singi o, madzaè bidzuga, mamem wa a Tara Ntondobe ». ‎ ‎Tenor : « Ma singi abe te madzaè bidzuga, mamem wa a Tara Ntondobe ». ‎ ‎1. Bivus biam bise bine wa a mis, wayem bise amu ongakom ma. madegele wa mò, bivus biam bite mbia mamem o, metele ya zen ndziàn a Nti. « Ma singi o, madzaè bidzuga, mamem wa a Tara Ntondobe » ‎ ‎2. Onga kom ma a Nti bise, abim ndzug y’onganõñ ye ma. olom ma si ne mesye wa, nnem mintye abum o a Nti ai abim ndzug ose ongaman wu ntug o. « Ma singi o, madzaè bidzuga, mamem wa a Tara Ntondobe ». ‎ ‎3. Mamem fô abe dam ase, mengabò edi l’atsa wa a nnem o, ane evus dzam. Mengaben wulu a mezen m’enyïn o. Metele he a zen ndziàn a Nti, “ma singi o. madzaè bidzuga. mamem wa a Tara Ntondobe”. ‎ ‎4. Menga byali ai nsem a nyòl, mekui fe yanyam abum abe nna, tam ma sob ye bile o, sobo mafuùm melod ten o. Kaman ai ma a zen ndziàn kôm o. « Ma singi o. madzaè bidzuga, mamem wa a Tara Ntondobe ». ‎ ‎5. Vaaga mis a bivus biama, fumingi abe dam ase a Nti. Fubugu ma nnem o, menga fudi ziñ a nnem wama, nnem ediñ ongave ma oman ya. « Ma singi o, madzaè bidzuga, mamem wa a Tara Ntondobe ». ‎ ‎6. Te wa tsidan ma mis moe ; eh ! A Esya bòn o, te vavaa ma tañ. Obe ma lom Nsisim woe a nyòl, veñan nnem wam y’abum ne mesye wa. Mewolo o, engongòl a Tara Ntondobe. ‎ ‎Coda : Zaa ma wòm ekoa nsem o, zaa ma bò esob nyòl a Nti o, fubugu ma menga sem. Nsem wa sobolo ma nnem a Nti, mentele ya zen ndziàn ma zu ke. « Ma singi o. madzaè bidzuga. mamem wa a Tara Ntondobe » (bis). ‎ #gospelmusic #cameroun #music #africa #musique #choir #christmas #love #voiceeffects