Од домашно производство · Кампер-ван GoGoVan Compact 600

Домашниот производител на кампер-ванови ГоГо Ван ни приреди големо изненадување од македонската сцена, откако заборавивме дека во земјава своевремено се изработуваа масовно приколки за кампување во некогашната Треска за целиот регион, коишто придружуваа бројни среќни и радосни моменти од живеењето. ГоГо Ван доаѓа во друго време, во сосем други услови и претставува проширување на бизнисот на приватна компанија, што долги години стопанисува со голем успех во други сфери. ГоГо Ван Компакт 600 еден од моделите што ги имаат изработено во ГоГо Ван, и како кампер-ван, претставува најпродаван вид на возило за кампување на европската сцена веќе со години, заменувајќи ги некогашните „алковени“. Тоа што ми остави впечаток при поканата да ги разгледам возилата, прво е квалитетот на изработката и средината што е создадена за човек да се чувствува пријатно и згрижено, кога ќе посака да биде внесен во природата, вон градскиот асфалт и туристичкиот притисок. Целата приказна не се сведува единствено на изработка и продажба на возила за кампување, туку и на продажба на уреди и прибор за вградување во возило за кампување и можност сопственото возило да се пренамени во кампер во ГоГо Ван. Салонот и работните погони на ГоГо Ван се наоѓаат во близина на кривопаланечка Псача, веднаш покрај патот што води до Крива Паланка. Верувам дека ова ќе биде само воведот во едно поглавје што понатаму ќе јавува за следни успеси. Вебсајтот е https://www.gogovan.mk/ Телефон +38971 207 003 (phone / viber / whatsapp) e-mail: [email protected]