Kapihan sa Ilocos with DENR

Bilang pagdiriwang ng Philippine Environment Month na may temang “Climate Action: Fostering Community Spirit, Caring for the Environment,” samahan kami sa isa na namang makabuluhang talakayan sa Kapihan sa Ilocos ng Philippine Information Agency. Ngayong Lunes, Hunyo 15, alas dos ng hapon (2:00pm), makakasama natin ang Department of Environment and Natural Resources (DENR)-Regional Office 1, kasama ang Mines and Geosciences Bureau (MGB) at Environmental Management Bureau (EMB), upang pag-usapan ang mahahalagang usapin tungkol sa pangangalaga ng kalikasan, pagtugon sa epekto ng climate change, at ang papel ng bawat mamamayan sa pagsusulong ng mas ligtas, mas matatag, at mas luntiang kinabukasan. Alamin kung paano nagiging susi ang pagkakaisa ng komunidad, pamahalaan, at iba’t ibang sektor sa pagharap sa mga hamon ng klima at pangangalaga sa ating likas na yaman.