MKE ASIMULIA A - Z MUME WAKE ALIVYO CHINJWA, KUFUKIWA PORINI

Mke wa marehemu Willium Chitemo (46), mkazi wa Kijiji na Kata ya Mtumbatu Wilaya ya Kilosa Mkoani Morogoro ambaye ni mfanyabiashara wa Ng’ombe aliyeuawawa kwa kuchinjwa na watu wasijulikana kisha mwili wake kuzikwa porini, Happynes Mzoe, asimulia namna mumewake alivyo muaga siku ya Julai 2025 kwenda kununua Ng’ombe, baada ya hapo hakurejea tena nyumbani hadi mwili wake ulipopatikana siku ya Julai 31, 2025 ukiwa umefukiwa porini Kitongoji cha Msega Kijiji cha Uponera kata ya Mamboya Tarafa ya Magole. Siku hiyi pia marehemu ameondoka nyumbani akiwa na usafiri wake aina ya Pikipiki yenye namba za usajili MC 221 DWW aina ya Haojue ambayo anautumia katika shughuli zake za kila siku. Aidha watu hao baada ya kutekeleza mauaji na kuutelekeza mwili wamechukua nguo za marehemu na kuzivaa kisha kupanda Pikipiki hiyo na kurudi nayo hadi Kijijini hapo na kuiacha katika baa moja na kuwaeleza wahudumu kuwa mwenye pikipiki atakuja kuifuata baada ya siku tatu kwani mwenyewe amelekea Dar es Salaam. Happyness amesema baada ya kupata taarifa za Pikipiki ya marehemu ilipo walifika na Jeshi la Polisi, baada ya kumhoji miliki wa Baa hiyo na kueleza namna alivyoa chiwa Pikipiki akaongozana nao hadi kwa kijana aliyeiacha Pikipiki hiyo ili waweze kumtia nguvuni. Amesema “wakati wapo njiani wakamtafute kuna msamalia mwema alitangulia peke yake alienda na kufanikiwa kumpata ili aje naye kwenye tukio walivyofika njiani akamuomba asimamishe pikipiki ajisaidie, alivyosimama akaruka akakimbia kwenye mashamba ya mbaazi, watu waliendelea kumtafuta lakini hawajafanikiwa kumkamata”, Amesema Mzoe. (Imeandaliwa na Jackson John).