Hacı Mazan və oğlanları haqqında ŞOK FAKTLAR - Vəfa Şərifovaya qarşı nə baş verib?

#RealliqTV​​​ #Reallıq​​​ #​​Masallı Kanala dəstək olmaq üçün videoları maksimum like edib şərh yazın... Son günlər sosial şəbəkələrdə Masallıdan olan iş adamı Hacı Mazan kimi tanınan Ramazan Zeynalov və oğlanlarının qaranlıq əməlləri ilə bağlı inkarolunmaz faktlar işıq üzü görməkdədir. Ramazan Zeynalovun qalmaqallı keçmişi və qanunsuz ticarətlə məşğul olması ilə bağlı 7Gun xəbər informasiya portalında dərc olunmuş materiallardan sonra redaksiyamıza Zeynalovlarla bağlı ilginc faktlar daxil olub. Məlumatda bildirilir ki, Hacı Mazanın oğlu, Ağsu rayonunda yerləşən 3 saylı Rayonlararası Qeydiyyat və İmtahan və Texniki baxış Şöbəsinin rəisi Bayram Zeynalov Respublika Dövlət Yol Polisinin rəisi Ramiz Zeynalova qarşı qara piar kampaniyası APARMAQDADIR. Bəzi media qurumlarına Ramiz Zeynalov barəsində xoşagəlməz materiallar ötürən Bayram Zeynalova General rütbəli bir zabit himayədarlıq edir. Həmin Generalın Hacı Mazanla yaxın münasibətdə olduğu qeyd olunur və Zeynalovlar öz qanunsuz əməllərini himayədarları sayəsində ört basdır edə bilirlər. Generalın kimliyinə növbəti materialda aydınlıq gətirəcəyik. Qeyd edək ki, Bayram Zeynalovun digər qanunsuz əməlləri ilə bağlı redaksiyamıza daxil olan faktlar hazırda araşdırılır. Məlumatda diqqət çəkən faktlardan biri də Hacı Mazanın tez tez xanım müğənniləri sahibi olduğu, Masallıda yerləşən "Viləş" hoteldə qonaq etməsi və onları təhqir etməsi barədədir. Qəribə də olsa dəfələrlə Müqəddəs Həcc ziyarətində olan Ramazan Zeynalovun əxlaqsızlıq etməsi, insanları təhqir etməsi adi hala çevrilib. Hacı Mazanın kiçik oğlu İsmayıl Zeynalovun oxşar davranışları narazılıq yaratmaqdadır. Balaca Zeynalovun hazırda eşq yaşadığı müğənninin Damla olduğu söylənilsədə, biz bu barədə ciddi faktlara sahib deyilik və araşdırmalarımız davam edir. İsmayıl Zeynalovun bir müddət öncə Viləş hoteldə müğənni Vəfa Şərifovanı təhqir etməsi hələ xatirələrdən silinməyib. Vəfa xanıma qarşı olunan qeyri etik hərəkətlərin səbəbi barədə növbəti materialda qeyd edəcəyik. Onu da qeyd edək ki, Hacı Ramazan Zeynalova məxsus "Viləş" hoteldə işçi sayı rəsmi qurumlardan gizlədilir və işçilərin əməyi istismar olunmaqdadır. Ümid edək ki, bu məsələ ilə bağlı tezliklə araşdırmalar aparılacaq və dövlətdən gizlədilən və mənimsənilən vəsaitlərin Hacı Mazandan alınaraq dövlət büdcəsinə qaytarılması təmin olunacaq. Sonda onu da qeyd edək ki, Hacı Mazan və oğlu İsmayıl Zeynalov tez tez məclislərdə Masallı rayon İcra Hakimiyyəti başçısı cənab Araz Əhmədovla dost olduqlarını önə çəkirlər. Zeynalovlar hətta onu da bildirirlər ki, Araz müəllim rayona icra başçısı təyin olunanda onların hotelində aylarla təmannasız qonaq olub. Hazırda icra başçısının yaxını olduqlarını dilə gətirən Zeynalovlar özlərini Masallının "Kor Xəlifəsi" rolunda aparmaqdadırlar.