” အသက် ၅၀ ကျော်သူတိုင်း နေ့တိုင်းစားသင့်တဲ့အစားအစာ ( ၅ ) မျိုး…”

နှလုံးက နှစ်ပေါင်း ၅၀-ကျော်အထိ မရပ်မနား အလုပ်လုပ်လာတော့ သူလည်း မောပြီ...။ ပင်ပန်းနေပြီ...။ ဒါပေမယ့် လူတွေရဲ့ အလိုဆန္ဒနောက်ကို မောမောပန်းပန်းနဲ့ လိုက်နေရတယ်...။ လူတွေက အစားအသောက်ကို သင့်တဲ့အစားအသောက်ကို ရွေးချယ်စားတာထက် ကြိုက်တာကို ရွေးစားတာများပါတယ်...။ ဒီတော့ နှလုံးရောဂါ ဆိုတာလည်း အနည်း နဲ့ အများ ရှိနေကြပြီ...။ ကျန်တဲ့ကိုယ်တွင်း ကလီစာတွေကရောလို့ မေးရင် ကောင်းတဲ့ အင်္ဂါအစိတ်အပိုင်းရယ်လို့ တစ်ခု မှ မရှိတော့ပါဘူး...။ နည်းနည်းဖြစ်တာနဲ့ များများဖြစ်တာပဲ ကွာတယ်...။ ဒီအချိန်ဆိုရင် သွေးတိုးကလည်း ရှိဖို့ များနေပြီ...။ ဆီးချိုရောဂါလည်း ရှိသူတွေက ရှိနေလောက်ပြီ...။ မရပ်မနား အလုပ်လုပ်ခဲ့ရတဲ့ အဆုပ်တွေ၊ ကျောက်ကပ်တွေ၊ အသည်းတွေဟာ တစ်ခုမှ အကောင်းမရှိတော့ပါဘူး...။ ဒဏ်ရာတွေ ပလပွနဲ့ ဖြစ်နေလောက်ပြီ...။ တရားဟောနေတာ မဟုတ်ပါဘူး...။ အမှန်ကိုပြောနေတာပါ...။ အချို့ဆိုရင် ဆံပင်ဖြူပြီ....။ အချို့ဆိုရင် မျက်စိ မှုန်နေပြီ...။ အချို့ဆိုရင် သွားတွေ ကျိုးနေပြီ...။ အချို့ဆိုရင် အရေပြားတွေ တွန့်တန်သလောက် တွန့်နေလောက်ပြီ....။ အသက် ၅၀-ဆိုတာ အကုန်လုံး အကျပိုင်းရောက်နေတဲ့ အချိန်ဖြစ်လို့ ကျန်းမာရေးကလည်း ကျနေပြီ...။ ဒီအချိန်မှာ ထိန်းထိန်းသိမ်းသိမ်း နေတတ်ရင်တော့ ကျန်းကျန်းမာမာ နဲ့ သေတဲ့အထိနေလို့ ရတာပေါ့....။ နေချင်သလို နေမယ်ကွာ၊ ဆိုရင်လည်း သင့်သဘောပါပဲ...။ ဆရာဝန်အမြင်နဲ့ ပြောရရင် အဲဒီလို ကိုယ့်ကိုယ်ကိုယ် မစောင့် ရှောက်ခဲ့သူတွေဟာ အသက် ၅၀-နောက်ပိုင်းမှာ ဆေးရုံကုတင်ပေါ်က မျက်နှာကျက်ကို မော့ကြည့်ပြီး သေနေ့ကို စိုးတထိတ်ထိတ်နဲ့ စောင့်နေသူတွေကို အများကြီး မြင်ဖူးခဲ့ပါပြီ...။ အဲဒီ မဖြစ်အောင် ဘာလုပ်ရမလဲ လို့ မေးလာရင်တော့ ဖြေစရာတွေ ရှိပါတယ်...။ ကျန်းမာရေးနဲ့ညီညွတ်တဲ့ အစားအစာတွေကို ရွေးချယ်စားသောက်တတ်ရင် ကျန်းကျန်းမာမာနဲ့ နေနိုင်တာပေါ့...။ နာတာ နည်းသွားမယ်...။ အိုတာ နောက်ကျမယ်...။ ကဲ…မကောင်းဘူးလား...။ xxxxx Dr. Aung Win Hein.