Ekzekutohen nënë e bir në Velipojë për çështje hakmarrje - (24 Dhjetor 2007)

Lajme arkiva 2007 Age Filipi 57-vjeç dhe djali i saj 20-vjeçar Platini, janë ekzekutuar në këtë rrugë pak metra larg shtëpisë së tyre në fshatin Çast të Velipojës. Vrasësi është fqinjë i tyre Arjan Zefi 28-vjeç, i arrestuar nga policia pak minuta pas ngjarjes në shtëpinë e tij. Rreth orës 14:00 ai u ka zënë pritë 2 viktimave që po udhëtonin në këtë makinë të prodhimit italian me targa të Shkodrës. Në timonin e saj gjendej 20-vjeçari i sapo kthyer nga Italia, ndërsa nëna e tij ishte pasagjere në vendin e parë. Arjan Zefi ka qëlluar në drejtim të tyre plot 16 herë me një pushkë 20 fishkeshe, fillimisht nga një kaçube e më pas në afërsi duke u siguruar për vrasjen e të dyve. Është hakmarrë në këtë mënyrë, ndaj një ngjarje të një viti më parë. Ku një pjesëtarë i një familjes Filipi, e kishte plagosur në krah me pushkë pas një konflikti për pronësinë. Ngjarja në atë kohë u morë përsipër nga Agia mësuese në shkollën e Luarzës dhe kryetare e PS në Velipojë. Por Zefajt që banojnë në shtëpinë ngjitur kanë patur dyshime se ndaj Arjanit ka shtënë djali i saj Platini dhe kthimi i tij nga Italia i ka rindezur gjakrat. Dyshimet për një hakmarrje të mundshme i ka patur dhe Platini, të cilit i është gjetur një pistoletë në dorë. Pasi ka vrarë nënë e birë, Arjan Zefi është kthyer qetësisht në shtëpi, ku ka qëlluar dhe 3 herë të tjera. Një shenjë që sipas kanunit, tregon se ai është hakmarrë për gjakun që derdhi 1 vit më parë. Ekzekutimi makabër i shtohet një serie vrasjesh të ndodhura që nga viti ‘97 në këtë fshat për shkak të konflikteve për pronën. Në 10 vjet janë vrarë 7 persona dhe janë ngujuar 7 familje. Ndërsa për Velipojën Age Filipi është gruaja e dytë që vritet në 2 muaj./tvklan.al Gazetar: Fatos Hakorja SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/